ដាច់ឆ្នាំចាស់ចូលឆ្នាំថ្មី តារាសម្តែងកូនកាត់បីសាសន៍ Mint Chalida រាសីនៅតែខ្ពស់

ថៃ៖ តារាសម្តែងស្រីសាច់សខ្ចីរបស់ថៃដ៏មានប្រជាប្រិយភាព កញ្ញា  Mint Chalida គឺជាតារាសម្តែងស្រីមានវ័យមួយដែលកំពុងមានឈ្មោះបោះសំឡេងនៅក្នុងប្រទេសថៃ ដែលពេលថ្មីៗនេះ កញ្ញាកាន់តែឡើងកូដ ដោយសារតែភាពក្លាហានហ៊ានសម្ញែងដងខ្លួនដ៏ស្រឡូនសខ្ចី បានធ្វើឱ្យតារារូបនេះលេចមុខលេចមាត់នៅក្នុងសង្គមសិល្បៈថៃកាន់តែខ្លាំងឡើង។

អ្វីដែលគួរឱ្យកត់សម្គាល់ និង ជាចំណុចពិសេសអំពីកញ្ញានោះគឺ កញ្ញាគឺជាតារាដែលមានខ្សែស្រឡាយកូនកាត់ ថៃ ចិន និង ឥណ្ឌាផង មិនត្រឹមតែប៉ុណ្ណោះនាងក៏បានបញ្ចប់ការសិក្សានៅសាកលវិទ្យាល័យ Srinakharinwirot  ផ្នែក Business Administration។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលដើមឡើយ កញ្ញាបានចាប់ឈានជើងចូលសិល្បៈដំបូងជាតារាបង្ហាញម៉ូដ ជាបន្តបន្ទាប់ នាងបានអភិវឌ្ឍន៍នូវអាជីពជាតារាសម្តែងជាមួយទូរទស្សន៍ថៃ Channel3  ដោយបានចាប់ផ្តើមមួយរឿង Narak ។ ហើយបានកញ្ញាបានដើរតួជាតួអង្គរង មិនចំពោះតែអង្គរងនោះទេ កញ្ញាដើរចម្រុះតែម្តង។

ស្នាដៃទាំងអស់នេះហើយបានប្រែក្លាយកេរ្តិ៍ឈ្មោះរបស់កញ្ញាឱ្យកាន់តែរីកស្គុះស្គាយនោះ ហើយបើកឱកាសជូនកញ្ញាផងដែរ។ ភាពយន្តរបស់តារារូបនេះមានដូចជា៖ Saan Sanaeha , My Precious Bad Luck, Fah Fak Ruk ជាដើម។​ជាងនោះទៅទៀត កញ្ញាវ័យត្រឹមតែ២៨ឆ្នាំរូបនេះ ក៏ជាថៅកែហាងការ៉េម មួយមានឈ្មោះថា Minito Gelato ។

គួរបញ្ជាក់ផងដែរ តារាសម្តែងដែលមានរូបឆោមស្រស់សោភារូបនេះទទួលបាននូវការសរសើរចំពោះការតុបតែងស្លៀកពាក់ ស្ទីលលេងខ្លួនដែលគួបផ្សំជាអំណោយធម្មជាតិ ជាមួយរូបរាងខ្ពស់ មុខមាត់ឃ្យូតៗ សាច់សខ្ចីមានមន្តស្នេហ៍ បានធ្វើឱ្យកញ្ញាក្លាយជាតារាកាន់តែមានកេរ្តិ៍ឈ្មោះខ្ពស់ត្រដែតដូចផ្កាយលើមេឃ។ បច្ចុប្បន្ននេះ កញ្ញាមានទំនងទំនងជាមួយលោក Pupaa Taechanarong ៕

សូមទស្សនារូបភាពខាងក្រោម៖

• តារាថៃ