ទុក្ខជាន់ទុក្ខ! តារារ៉េបម្នាក់នេះ ត្រូវចោរគាស់ផ្ទះ ខណៈកំពុងសម្រាកព្យាបាលនៅពេទ្យ

បរទេស៖ កាលពីប៉ុន្មានថ្ងៃមុននេះតារាចម្រៀង រ៉េបសញ្ជាតិអាមេរិក Andre Romelle Young ដែលមានឈ្មោះហៅក្រៅថា Dr Dre ត្រូវបានចោរមួយក្រុមគាស់ផ្ទះ ខណៈពេលដែលលោក កំពុងតែសម្រាកព្យាបាលជំងឺនៅក្នុងមន្ទីរពេទ្យមួយ។

ដោយឡែក នៅក្នុងថ្ងៃអង្គារ ទី​ ០៥ ខែមករា​ នៅម៉ោង១០នាទីយប់ ដើមឆ្នាំ២០២១ ម្ចាស់បទ «Still D.R.E» បានជួបរឿងស៊យផ្ទួនៗ ដោយពេលនេះលោកកំពុងសម្រាកព្យាបាលជំងឺខួរក្បាលនៅមន្ទីរពេទ្យ ហើយមានចោរប៉ុន្មាននាក់បានឆ្លៀតឱកាសចំពេលគ្មានមនុស្សនៅផ្ទះ ក៏ព្យាយាមចូលលុកលុយទម្លាយចូលផ្ទះ ប៉ុន្គែគ្មានអ្វីត្រូវបាត់បងឡើយ ដោយយោងតាមរបាយការណ៍របស់ប៉ូលីស គឺចោរទាំងអស់នោះ អាចនឹងមានគោលបំណងចូលផ្ទះអនុប្រធានាធិបតីអាមេរិកជាប់ឆ្នោត Kamala Harris ដែលនៅក្បែរៗនោះ ទើបបានគេត្រឡប់ទៅផ្ទះវិញដោយដៃទទេរ ដោយគ្មានយកអ្វីបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជុំវិញរឿងក្តីនេះ ប៉ូលីសបានបើកការសើបអង្កេតយ៉ាងក្តៅគគុក ហើយរហូតមកដល់ពេលនេះ គឺចាប់បានមនុស្ស៤នាក់ដែលសង្ស័យថាជាប់ពាក់ព័ន្ធនឹងបទល្មើសមួយនេះ ដោយឃើញកាតាបមួយដែលមានឧបករណ៍ជំនួយសម្រាប់ធ្វើសកម្មភាពគាស់ផ្ទះ ដែលរួមមានរណារនិង ដែកឃ្នាស់ផងដែរ។

ចំណែកស្ថានភាពជំងឺ តារាចម្រៀង Dr Dre គឺបានធូរស្រាលច្រើនហើយ ដោយរំពឹងថាអាចនឹងចេញពីមន្ទីរពេទ្យឆាប់ៗនេះ ដោយសារការប្រឹងប្រែងមើលថែយ៉ាងយកចិត្តទុកដាក់ពីសំណាក់ក្រុមគ្រូពេទ្យជាច្រើននាក់ផងដែរ៕

សូមចូលទស្សនារូបភាពខាងក្រោម៖

• យុវវ័យ
• តារាអន្តរជាតិ