បើមិនប្រាប់គិតថា ជាបងស្រី! បើសម្រស់ Egg Busakorn កូនមួយហើយ នៅតែស្អាត

ថៃ៖ ជាតារាសម្តែងស្រី  តួសម្តែង និង​ពិធិការិនីវ័យ៣៣ឆ្នាំដ៏មានប្រជាប្រិយភាពរបស់ថៃ អ្នកនាង Egg Busakorn សព្វថ្ងៃនេះ អ្នកនាងនៅតែសកម្មក្នុងវិស័យសិល្បៈ។​ រលឹកពីប្រវត្តិខ្លះៗរបស់អ្នកនាង Egg Busakorn កើតនៅទីក្រុងបាងកក និង​បានបញ្ចប់ការនៅសាកលវិទ្យាល័យជូឡាឡុងកននៅឆ្នាំ២០១១។ បន្តបន្ទាប់មក អ្នកនាងគឺជាបេក្ខជនម្នាក់ក្នុងចំណោមស្រីស្អាតទាំង ១២ រូបដែលបានជាប់ជាបរវកញ្ញានៅលើកម្មវិធី​ Strawberry Cheesecake Show របស់ស្ថានីយ៍ប៉ុស្តិ៍លេខបី Ch3 របស់ថៃផងដែរ។

គិតមកទល់ពេលបច្ចប្បន្ននេះ អ្នកនាងបានកសាងស្នាដៃជាច្រើនក្នុងវិស័យសិល្បៈ ជាក់ស្តែង ស្នាដៃក្នុងខ្សែភាពយន្តរឿងភាគថៃល្បីៗ មានដូចជា៖ Game Maya, Nang Barb , A love to Kill និងរឿងល្បីៗជាច្រើនទៀត។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា​  អ្នកនាងបានរៀបការរួចហើយចាប់តាំងឆ្នាំ២០១៦ គិតមកទល់ពេលនេះ បានរយៈពេល៥ ឆ្នាំហើយ ដោយទទួលបានកូនប្រុសមួយរូប ពីចំណងអាពាហ៍ពិពាហ៍របស់អ្នកនាងជាមួយលោក Captain Phutanate Hongmanop ជាតារាសម្តែងដូចគ្នា ម្យ៉ាងវិញក្រុមគ្រួសាររបស់អ្នកនាងរស់នៅយ៉ាងសុភមង្គលគួរជាស្ងប់ស្ងែង។

អ្វីដែលគេសង្កេតឃើញនោះគឺ អ្នកនាង Egg Busakorn បានសម្រាលបានកូនប្រុសមួយនាក់ហើយ ប៉ុន្តែសម្រស់របស់នាងនៅស្រស់ដូចផ្កាមិនចេះរីកស្ងួត ទាំងរូបរាងខ្ពស់ស្លីម សាច់សម៉ត់ខៃតែម្តង និយាយយ៉ាងខ្លីសម្រស់អ្នកមិនចាញ់កាលអ្នកនាងនៅក្រមុំនោះទេ តែនិយាយបានអ្នកនាងកាន់តែស្រស់ស្អាតមួយកម្រិតទៀតផងដែរ។

ជាក់ស្តែង តាមអ្វីដែលគេសង្កេត អ្នកនាងនៅតែថែរក្សាសម្ផស្សបានយ៉ាងល្អផូរផង់ ទាំងផ្ទៃមុខគ្មានស្នាមជ្រីវជ្រួញ រូបរាងខ្ពស់ស្លីមដូចកាលអ្នកនាងនៅក្រមុំអញ្ចឹង ហ្វេនឃើញហើយច្រណែនខ្លាំងតែម្តង៕

សូមទស្សនារូបភាពខាងក្រោម៖

• តារាថៃ
• តារាអន្តរជាតិ