តើក្រុមតារាចម្រៀងស្រីល្បីៗ ទាំងនេះអាចនឹងបំបែកក្រុមដែរទេ? ក្រោយចប់កិច្ចសន្យា រយៈពេល៧ឆ្នាំ

កូរ៉េខាងត្បូង ៖ ពេលវេលាដ៏គួរឱ្យភ័យខ្លាចបំផុត សម្រាប់អ្នកគាំទ្រ K-Pop គឺនៅពេលក្រុមដែលពួកគេចូលចិត្ត ជិតដល់ពេលផុតកំណត់នៃកិច្ចសន្យា។ ដែលនោះគឺជាពេលដែលពួកគេកំពុងតែស្ថិតនៅក្នុងភាពរំជើបរំជួល ដោយសង្ឃឹមថាក្រុម Idol របស់ខ្លួននឹងបន្តកិច្ចសិន្យា ។

ទន្ទឹមនឹងភាពភ័យខ្លាចទាំងនោះ ក្នុងឆ្នាំ ២០២១ នេះគឺជាឆ្នាំដែលអ្នកគាំទ្រជាច្រើនបានដឹងថា ក្រុមតារាចម្រៀងស្រីល្បីៗជំនាន់ទី ៣ មួយចំនួនកំពុងឈានដល់ពេលផុតកំណត់នៃកិច្ចសន្យា ជាមួយភ្នាក់ងាររបស់ពួកគេ នៅពេលពួកគេកំពុងតែពិភាក្សា ជាមួយសមាជិករបស់ពួកគេថា តើពួកគេនឹងបន្តជាក្រុមតែមួយទៀតតែឬអត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូរបញ្ជាក់ផងដែរថា កិច្ចសន្យាក្រុមចម្រៀង ជាធម្មតាគឺមានរយៈពេល ៧ឆ្នាំ បន្ទាប់ពីក្រុមនេះចាប់ផ្ដើម។ មានករណីខ្លះដែលក្រុមតារា K-Pop អាចបន្តកិច្ចសន្យារបស់ពួកគេដោយជោគជ័យ នៅពេលពួកគេទទួលបានប្រជាប្រិយភាពយ៉ាងខ្លាំងដូចជាក្រុម BTS ជាដើម។ 

ស្របគ្នានេះ អ្នកនិយមលេងអ៊ីនធើណែត និងអ្នកគាំទ្របានចាប់ផ្តើមពិភ្សាអំពីក្រុមតារាចម្រៀងស្រីជំនាន់ទី៣ ទាំងនេះ ដែលជិតឈានដល់ទីបញ្ចប់នៃកិច្ចសន្យារបស់ពួកគេនៅឆ្នាំថ្មីនេះ ។

ខាងក្រោមនេះ ជាក្រុមតារាចម្រៀងស្រីល្បីៗទាំង ៥ ដែលជិតដល់ពេលផុតកំណត់នៃកិច្ចសន្យារបស់ពួកគេ ៖

១. ក្រុម Red Velvet

Red Velvet ជាក្រុមតារាចម្រៀងស្រីដែលស្ថិតនៅក្រោម ផលិតកម្ម SM Entertainment ពួកគេបង្ហាញខ្លួនលើកដំបូងនៅថ្ងៃទី ០១ ខែ សីហា ឆ្នាំ ២០១៤ ជាមួយនឹងបទ Happiness ។

២. ក្រុម Lovelyz

Lovelyz ជាក្រុមតារាចម្រៀងស្រីដែលស្ថិតនៅក្រោម ផលិតកម្ម Woollim Entertainment និងជាក្រុមតារាចម្រៀងស្រីដំបូងសម្រាប់ផលិតកម្មផងដែរ ពួកគេបង្ហាញខ្លួនដំបូងនៅថ្ងៃទី ១៧ ខែ វិច្ចិកា ឆ្នាំ ២០១៤ ជាមួយនឹងបទ Good Night Like Yesterday ។

៣. ក្រុម MAMAMOO

MAMAMOO ជាក្រុមតារាចម្រៀងស្រីដែលស្ថិតនៅក្រោម ផលិតកម្ម RBW Entertainment ពួកគេបង្ហាញខ្លួនដំបូងនៅថ្ងៃទី ១៨ ខែ ឧសភា ឆ្នាំ ២០១៤ ជាមួយនឹងបទ Mr. Ambiguous ។

៤. ក្រុម Gfriend

Gfriend ជាក្រុមតារាចម្រៀងស្រីដែលស្ថិតនៅក្រោម ផលិតកម្ម Source Music ពួកគេបង្ហាញខ្លួនដំបូងនៅថ្ងៃទី ១៥ ខែ មករា ឆ្នាំ ២០១៥ ជាមួយនឹងបទ Glass Bead ។

៥. ក្រុម Oh My Girl

Oh My Girl ជាក្រុមតារាចម្រៀងស្រីដែលស្ថិតនៅក្រោម ផលិតកម្ម WM Entertainment ពួកគេបង្ហាញខ្លួនដំបូងនៅថ្ងៃទី ២១ មេសា ឆ្នាំ ២០១៥ ជាមួយនឹងបទ CUPID ៕

• តារាកូរ៉េ