ចូលឆ្នាំ ២០២១ ភ្លាម អតីតប្ដីប្រពន្ធត្រកូល Song បង្ហាញខ្លួនក្នុងរឿងថ្មីភ្លែត!

កូរ៉េខាងត្បូង ៖ ប្រិយមិត្តពិតជាបានដឹងហើយថា Song Hye Kyo និង Song Joong Ki បានរៀបការនឹងគ្នាបន្ទាប់ពីសម្ដែងរឿង Descendants Of The Sun ជាមួយគ្នា។ ប៉ុន្ដែនៅឆ្នាំ ២០១៩ ប្ដីប្រពន្ធមួយគូនេះបានប្រកាស អំពីដំណឹងចែកផ្លូវគ្នា ដែលធ្វើឲ្យមានការភ្ញាក់ផ្អើល ដល់អស់បណ្ដាហ្វេនៗ។

គ្រប់គ្នាមិនអស់ចិត្ត និងខកបំណងមិនតិចទេ ចំពោះរឿងរ៉ាវប្រេះឆារបស់ Idols ទាំងពីរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា ឈានមកដល់ឆ្នាំ ២០២១ ភ្លាម អតីតប្ដីប្រពន្ធមួយគូនេះ ត្រូវបានគេរាយការណ៍ឲ្យដឹងថា ពួកគេនឹងចូលខ្លួនមកសម្ដែងរឿងថ្មី រៀងៗខ្លួន។

ជាក់ស្ដែង កាលពីថ្ងៃទី៥ ខែ មករា ឆ្នាំ ២០២១ កន្លងទៅថ្មីៗនេះ ខាងស្ថានីយ៍ទូរទស្សន៍ tvN បានបញ្ជាក់ថាតារាសម្ដែងប្រុស Song Joong Ki នឹងសម្ដែងរឿងថ្មី ដែលមានចំណងជើងថា Vincenzo (literal title)។

ជាមួយគ្នានេះដែរ នៅថ្ងៃទី៨ មករា ឆ្នាំ ២០២១ ខាងក្រុមហ៊ុន Hwa & Dam Pictures បានធ្វើសេចក្ដីប្រកាសផងដែរថាតារាស្រី Song Hye Kyo នឹងចូលរួមសម្ដែងរឿងថ្មីចំណងជើងថា The Glory ជាស្នាដៃនិពន្ធរបស់ Kim Eun Sook ដែលជាអ្នកនិពន្ធរឿង Descendants Of The Sun៕

• តារាកូរ៉េ