ក្រុមហ៊ុន TADA ដាក់ដំណើរការមុខងារថ្មីសម្រួលដល់ការចំណាយរបស់សិស្សនិស្សិត ខណៈសាលាបើក! (មានវីដេអូ)

ភ្នំពេញ៖ ក្រុមហ៊ុនផ្តល់សេវាកក់ការធ្វើដំណើរ TADA ដែលកំពុងតែរីកចម្រើនយ៉ាងឆាប់រហ័សនៅកម្ពុជា នឹងធ្វើការដាក់ឱ្យប្រើប្រាស់នូវកម្មវិធីថ្មីមួយឈ្មោះថា “Student” ឬ មុខងារ “សិស្ស” ដើម្បីគាំទ្រដល់សិស្សនិស្សិត ខណៈដែលពួកគេត្រៀមខ្លួនវិលត្រលប់ទៅកាន់ថ្នាក់រៀនវិញ។

កម្មវិធីប្រូម៉ូសិន Student នេះផ្តោតគោលដៅលើសិស្សវិទ្យាល័យ និងនិស្សិតមហាវិទ្យាល័យទាំងអស់ក្នុងរាជធានីភ្នំពេញ និងខេត្តសៀមរាប ជាមួយនឹងឱកាសក្នុងការកក់ជិះកង់បី ឬរថយន្តក្នុងតម្លៃទាបជាងធម្មតារហូតដល់ ២០% ចាប់ពីថ្ងៃទី១១ ខែមករា តទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កម្មវិធីថ្មីមួយឈ្មោះថា “Student” ឬ មុខងារ “សិស្ស” របស់ TADA

លោក ជីម ប៉ូលី ប្រធានចាត់ការទូទៅរបស់ក្រុមហ៊ុន TADA បានថ្លែងថា៖

“ការសិក្សារបស់សិស្សនិស្សិតបានរងការរអាក់រអួលយ៉ាងខ្លាំងក្នុងអំឡុងពេលរាតត្បាតជំងឺកូវីដ-១៩។ ដូច្នេះការផ្តល់ជូនដល់ពួកគេនូវមធ្យោបាយធ្វើដំណើរទៅសាលារៀនដែលកាន់តែងាយស្រួល និងមានតម្លៃទាប គឺជារឿងចាំបាច់បំផុត ដើម្បីឱ្យពួកគេមានភាពងាយស្រួលក្នុងការសម្របខ្លួនទៅនឹងគន្លងរស់នៅថ្មី”។

ប្រសាសន៍របស់លោក ជីម ប៉ូលី

ដើម្បីទទួលបានកម្មវិធីប្រូម៉ូសិន Student នេះ សិស្សនិស្សិតគ្រាន់តែចូលទៅចុះឈ្មោះតាមរយៈពាក្យសុំអនឡាញ https://form.jotform.com/203652669256463 ឬផ្ញើសារទៅកាន់ទំព័រហ្វេសប៊ុករបស់ក្រុមហ៊ុន (https://www.facebook.com/TADAKHM/) ឬទូរស័ព្ទទៅកាន់ក្រុមហ៊ុនតាមរយៈលេខ ០៦១ ៥៥ ៥៦ ៤៣ ឬ ០១០ ៥៥ ៥៦ ៤៣។

TADA ដែលជាបុត្រសម្ព័ន្ធរបស់ក្រុមហ៊ុន MVL គឺជាកម្មវិធីកក់ការធ្វើដំណើរ ដែលប្រើប្រាស់បច្ចេកវិទ្យា Blockchain ហើយត្រូវបានដាក់ដំណើរការក្នុងប្រទេសកម្ពុជាកាលពីខែឧសភា ឆ្នាំ ២០១៩។ គោលការណ៍របស់ TADA គឺមិនយកកម្រៃជើងសារពីអ្នកបើកបរ ដែលមានន័យថាពួកគេអាចរក្សាទុកថ្លៃធ្វើដំណើរទាំងអស់ដែលពួកគេទទួលបានពីអតិថិជន ពោលគឺខុសពីក្រុមហ៊ុនដទៃផ្សេងទៀតដែលជាទូទៅកាត់កម្រៃជើងសារ និងថ្លៃប្រើប្រាស់ប្រព័ន្ធនានា ដែលធ្វើអោយអ្នកបើកបរទទួលបានថ្លៃធ្វើដំណើរពីអតិថិជនកាន់តែតិច។

កាលពីដើមឆ្នាំមុន ជាការឆ្លើយតបទៅនឹងជំងឺរាតត្បាតពិភពលោកកូវីដ-១៩ ក្រុមហ៊ុនបានដាក់ដំណើរការសេវាដឹកជញ្ជូន TADA Delivery ដើម្បីគាំទ្រដល់អាជីវកម្មខ្នាតតូច ដោយផ្តល់ជូនសេវាដឹកជញ្ជូនដោយឥតគិតថ្លៃរយៈពេល ៣ខែក្នុងរាជធានីភ្នំពេញ បន្ទាប់មកគិតថ្លៃសេវាថេរ ៤.០០០រៀលក្នុងមួយកញ្ចប់នៅទូទាំងរាជធានីភ្នំពេញនៅក្នុងខែបន្តបន្ទាប់។

លោក ជីម ប៉ូលី បានមានប្រសាសន៍បន្តថា៖

“ការគាំទ្រដល់សិស្សនិស្សិតក្នុងការវិលត្រលប់ទៅកាន់សាលារៀនវិញ ការគាំទ្រអាជីវកម្មខ្នាតតូចជាមួយនឹងតម្លៃដឹកជញ្ជូនទាបនិងទុកចិត្តបាន និងការគាំទ្រដល់អ្នកបើកបរតាមរយៈការមិនយកកម្រៃជើងសាររបស់យើង គឺសុទ្ធតែជាផ្នែកដ៏សំខាន់នៃបេសកកម្មរបស់យើងក្នុងនាមជាក្រុមហ៊ុនមួយដែលបង្កើតឱ្យមានការផ្លាស់ប្តូរវិជ្ជមាននៅទីកន្លែងណាដែលយើងធ្វើប្រតិបត្តិការ”។

ប្រសាសន៍របស់លោក ជីម ប៉ូលី

សម្រាប់ព័ត៌មានបន្ថែម សូមទាញយកកម្មវិធី TADA ឥឡូវនេះ៖

សម្រាប់អ្នកបើកបរ៖ https://deeplink.me/driver.tada.global និងសម្រាប់សេវាកក់ការធ្វើដំណើរ៖ https://deeplink.me/tada.global/app/rider សម្រាប់ប្រព័ន្ធប្រតិបត្តិការ ISO និង Android នៅលើទូរស័ព្ទរបស់លោកអ្នក ឬសូមទាក់ទងមកកាន់យើងខ្ញុំតាមរយៈអ៊ីមែល [email protected]។

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ក្រុមហ៊ុន TADA ដាក់ដំណើរការមុខងារថ្មីសម្រួលដល់ការចំណាយរបស់សិស្សនិស្សិត ខណៈសាលាបើក! (មានវីដេអូ)

In Case You Missed It