យន្តហោះចម្បាំងអ៊ីស្រាអែល ប្រតិបត្តិការហោះហើរ​​រយៈកម្ពស់ទាបបំផុត ​ក្នុងដែនអាកាសប្រទេសលីបង់

បរទេស៖ យន្ដហោះយោធាអ៊ីស្រាអែលបានធ្វើការហោះហើរ ក្នុងរយៈកម្ពស់ទាប​ជាច្រើនលើកពីលើ​រដ្ឋធានីបៃរូត ខណៈដែល​ប្រទេសអ៊ីស្រាអែល​រងការចោទប្រកាន់ ថាបានហោះរំលោភចូលដែនអាកាសប្រទេសលីបង់ជាញឹកញាប់ ដើម្បីទៅបើកការវាយប្រហារនៅ​ទឹកដីស៊ីរី ឬ​ធ្វើបេសកកម្មឈ្លបយកការណ៍​ពីទីតាំងដាក់អាវុធ ក៏ដូចជាតាមដានវត្តមាន​ក្រុមសកម្មប្រយុទ្ធហេសបូឡាដែលគាំទ្រដោយអ៊ីរ៉ង់ ស្ថិតនៅភាគខាងត្បូងនៃប្រទេសនេះ។

​ប្រតិបត្តិការហោះហើរ​​រយៈកម្ពស់ទាបរបស់យន្តហោះចម្បាំងអ៊ីស្រាអែលនៅលើរដ្ឋធានីបៃរូតប្រទេស​លីបង់ បានកើនឡើងខ្លាំងក្នុងរយៈពេលពីរសប្តាហ៍ចុងក្រោយនេះ ដែលជាហេតុធ្វើឱ្យប្រជាជនលីបង់មាន​ការភ័យខ្លាចនិងច្របូកច្របល់ ខណៈពេលដែលភាពតានតឹងនៅក្នុងតំបន់កើនឡើងខ្លាំង​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកប្រើ​បណ្តាញសង្គម Twitter ក្នុងប្រទេសលីបង់ម្នាក់ បានបង្ហោះសារយ៉ាងដូច្នេះថា៖

គួរជម្រាបដែរថា កាលពីពេលកន្លងទៅ អ៊ីស្រាអែលធ្លាប់បានរំលោភចូលដែនអាកាស​លីបង់ជិត ៣០ដង ក្នុងរយៈពេល ២ ថ្ងៃដោយប្រើហោះគ្មានមនុស្សបើក (ដ្រូន) និងយន្តហោះចម្បាំង​។ ​ជាមួយគ្នានោះដែរ កងកម្លាំងបណ្តោះអាសន្នរបស់អង្គការសហប្រជាជាតិនៅលីបង់បាន​អះអាងថា អ៊ីស្រាអែលបានលុកលុយចូលដែនអាកាសលីបង់​ស្ទើរតែរៀងរាល់ថ្ងៃ ដែលវាជាការរំលោភលើដំណោះស្រាយរបស់អង្គការសហប្រជាជាតិ និងអធិបតេយ្យភាពរបស់ប្រទេស៕

Lebanese Hezbollah's official Al-Manar TV: "Israeli warplanes and surveillance drones on Sunday staged heavy overflights in Lebanon's airspace... Israeli warplanes overflew Beirut, Sidon and Keserwan... [and] also... over the southern regions of Tyre and Bint Jbeil." pic.twitter.com/gmwp0tbYId

— Evan Kohlmann (@IntelTweet) January 10, 2021

Israeli Air Force (IAF) jets seen flying over Lebanon.
Syrian air defences are active and responding to incoming targets. #Syria pic.twitter.com/X3twAZvl2B

— CNW (@ConflictsW) December 24, 2020