ត្រៀមអាវក្រាស់ៗ! ធាតុអាកាសនឹងបន្ដចុះត្រជាក់ ចាប់ពី១៣-១៩ ខែមករា

ភ្នំពេញ៖ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម នៅព្រឹកថ្ងៃអង្គារនេះ បានឲ្យដឹងថា ទ្រនុងសម្ពាធខ្ពស់ពីភាគខាងជើង បាននឹងកំពុងធ្លាក់ចុះមកក្រោម គួបផ្សំជាមួយនិងខ្យល់មូសុងឦសានខ្លាំង។ ចាប់ពីថ្ងៃទី១៣ ដល់ទី១៥ ខែមករា នឹងទទួលឥទ្ធិពលខ្យល់មូសុងឦសានបក់ខ្លាំង ហើយចាប់ពីថ្ងៃទី១៦-១៩ ខែមករា ខ្យល់មូសុងឦសានថមថយមកក្នុងកម្រិតពីមធ្យម ទៅបង្គួរ។

ស្ថានភាពបែបនេះ នឹងធ្វើឲ្យ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. បណ្តាខេត្តនៅតំបន់វាលទំនាបកណ្តាល ៖

នៅថ្ងៃទី១៣-១៤ ខែមករា ៖

- សីតុណ្ហភាពអប្បបរមា មានពី ១៣-១៦ °C

- សីតុណ្ហភាពអតិបរមា មានពី ២៣-២៦ °C

* នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៨-២១ °C និងសីតុណ្ហភាពអតិបរមាមានពី ២៧-៣០ °C ។

២. បណ្តាខេត្ត ជាប់ជួរភ្នំដងរែក និងខ្ពង់រាបឦសាន ៖

នៅថ្ងៃទី១៣-១៤ ខែមករា ៖

- សីតុណ្ហភាពអប្បបរមា មានពី ១១-១៤ °C

- សីតុណ្ហភាពអតិបរមា មានពី ២៣-២៦ °C

* នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៦-១៩ °C និងសីតុណ្ហភាពអតិបរមាមានពី២៧-៣០ °C ។

៣. តំបន់មាត់សមុទ្រ ៖

នៅថ្ងៃទី១៣-១៤ ខែមករា ៖

- សីតុណ្ហភាពអប្បបរមា មានពី ២២-២៤ °C

- សីតុណ្ហភាពអតិបរមា មានពី ២៩-៣១ °C

* នៅលើផ្ទៃសមុទ្រមានខ្យល់ និងរលកសមុទ្រខ្ពស់ៗ នៅថ្ងៃទី១២ ខែមករា ។

* នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៩-២២ °C និងសីតុណ្ហភាពអតិបរមាមានពី ២៧-៣០ °C ៕

សូមអានសេចក្ដីជូនដំណឹងរបស់ក្រសួងធនធានទឹក និងឧតុនិយមខាងក្រោមនេះ៖

• អាកាសធាតុ