Stylish របស់ក្រុម BTS រងការរិះគន់សារជាថ្មី ពីការរៀបចំសម្លៀកបំពាក់ឲ្យពួកគេ ក្នុងកម្មវិធី GDAs!

កូរ៉េខាងត្បូង ៖ ជាការពិតណាស់ក្រុម BTS សព្វថ្ងៃពិតជា មានប្រជាប្រិយភាពណាស់ ជាមួយនឹងទេពកោសល្យរបស់ពួកគេ ជាពិសេសអ្នកគាំទ្ររបស់ពួកគេក៏មានភ្នែកមុតណាស់ដែរ ក្នុងការសង្កេតអ្វីម៉្យាងដែលមានភាពខុសប្លែក និងមិនសមរម្យកើតឡើងចំពោះ Idol របស់ខ្លួន ។

ទន្ទឹមនឹងនេះ Stylists របស់ក្រុម BTS រងការរិះគន់យ៉ាងខ្លាំង ក្រោយរៀបចំសម្លៀកបំពាក់ ដែលមានទំហំធំជាងខ្លួន និងម៉ូតដែលមិនទាន់សម័យឲ្យពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា ថ្មីៗនេះក្រុមតារាចម្រៀង​ BTS បានចូលរួមកម្មវិធីប្រគល់ពានរង្វាន់មួយមានឈ្មោះថា Golden Disc Awards ដែលមានការចូលរួម ពីសិល្បករល្បីៗជាច្រើន។ ក្នុងពេលជាមួយគ្នានោះ អ្នកគាំទ្រជាច្រើនបានបញ្ចេញមតិថា​ សម្លៀកបំពាក់របស់សមាជិកទាំងអស់ មិនសាកសមទៅនឹងរូបរាងរបស់ពួកគេ។

ជាក់ស្តែងអ្នកគាំទ្រ និងអ្នកនិយមលេងបណ្តាញអ៊ីនធើណែតបាន បញ្ចេញមតិដូចជា ៖

“ហេតុអីបានជាពួកគេ ពាក់សម្លៀកបំពាក់ដែលមានទំហំធំជាងខ្លួនបែបនេះ?”

“សូមកែឆ្នៃសម្លៀកបំពាក់របស់ពួកគេឲ្យសាកសមនឹងកម្មវិធីផង!”

“តើអ្នកអាចរៀបចំសម្លៀកបំពាក់ដែល មានខោសមនឹងជើងស្អាតៗរបស់ពួកគេបានទេ? Stylists កំពុងតែបំផ្លាញភាពទាក់ទាញរបស់ BTS”

“ហេតុអីបានជាក្រុម ​BTS ត្រូវការ Stylish ប្រសិនបើពួកគេអាចស្លៀកសម្លៀកបំពាក់ដែលធម្មតាបែបនេះ បានដោយខ្លួនឯង!”

ទោះជាយ៉ាងណាក៏ដោយ នេះមិនមែនជាលើកទីមួយទេ ដែល Stylishs ​របស់ពួកគេរង់ការរិះគន់ ដូចជានៅលើ គម្របទស្សនាវដ្តី TIME ដែល BTS ត្រូវផ្សព្វផ្សាយជាដើម ពួកគេបានស្លៀកសម្លៀកបំពាក់ ស្បែកជើង ដែលមានទំហំធំជាងខ្លួន និងជើងរបស់ពួកគេ ៕

• តារាកូរ៉េ