ហ្វេនភ្ញាក់ផ្អើល ក្រោយតារាមីយ៉ាន់ម៉ា Paing Takhon កោរសក់បួសជាព្រះសង្ឃ

មីយ៉ាន់ម៉ា៖ ប្រិយមិត្តមួយចំនួនច្បាស់ជា បានស្គាល់រួចមកហើយថា តារាសម្ដែងនិងជាតារាម៉ូដែលដ៏មានប្រជាប្រិយភាពរបស់ប្រទេសមីយ៉ាន់ម៉ា គឺលោក Paing Takhon សព្វថ្ងៃកំពុងជោគជ័យក្នុងវិស័យសិល្បៈខ្លាំង ហើយក៏មានហ្វេនៗគាំទ្រជាច្រើនប្រទេសផងដែរ។ ដោយសារតែ តារាប្រុសរូបនេះ មានរូបរាងសង្ហា សាច់ដុំធំៗ មុខមាត់មានមន្តស្នេហ៍ ពិសេសនោះគឺលោកតែងតែនិយមទុកសក់វែង ដូចមនុស្សស្រីយ៉ាងដូច្នោះ។

ដោយឡែក កាលពីរសៀលថ្ងៃទី១១ ខែមករា ម្សិលមិញនេះ Paing Takhon បានធ្វើឲ្យមហាជននិងហ្វេនៗជាច្រើនមានការភ្ញាក់ផ្អើលជាខ្លាំងនៅពេលដែលបានឃើញរូបថតមួយចំនួនរបស់លោកបានចែករំលែកនៅលើបណ្ដាញសង្គមហ្វេសប៊ុក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយក្នុងនោះ តារាប្រុសវ័យ ២៤ឆ្នាំរូបនេះ បានសម្រេចចិត្តកោរសក់ដ៏វែងរបស់លោក ហើយស្លៀកស្បង់ជីវរ យ៉ាងសាកសម បង្ហាញស្នាមញញឹមដោយចិត្តជ្រះថ្លា មកសាងផ្នួសធ្វើជាព្រះសង្ឃចូលបម្រើក្នុងព្រះពុទ្ធសាសនា យ៉ាងគួរឲ្យសរសើរនិងគោរពតែម្ដង។

យ៉ាងណាមិញ តាមរយៈរូបភាពជាច្រើនដ៏សែនប្រពៃទាំងនោះ នៅពេលដែលហ្វេនៗបានឃើញហើយ ពួកគេក៏នាំគ្នាសរសើរអំពីទឹកចិត្តដ៏ល្អ របស់តារាប្រុសរូបនេះហូរហែផងដែរ៕

ទស្សនារូបភាពខាងក្រោម៖

• រូបភាព
• តារាអន្តរជាតិ