ក្រុមហ៊ុន Sony ដាក់បង្ហាញដ្រូនថ្មី សម្រាប់ថតភាពយន្តAirpeak ដែលអាចថតវីដេអូ4K ពីលើអាកាសមក (មានវីដេអូ)

បរទេស៖ នៅក្នុងកម្មវិធីពិព័រណ៍ CES ប្រចាំឆ្នាំ ក្រុមហ៊ុន Sony បានបង្ហាញដ្រូនចុងក្រោយបង្អស់របស់ខ្លួន Airpeak ដែលនឹងក្លាយជាដ្រូនថតពីលើមេឃសម្រាប់អ្នកផលិតខ្សែភាពយន្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Sony មិនបានផ្តល់ព័ត៌មានអ្វីច្រើនទេអំពីដ្រូននេះ ប៉ុន្តែបានបង្ហាញវីដេអូរបស់វាដែលដ្រូននេះត្រូវបានបំពាក់ជាមួយកាមេរ៉ា Sony Alpha 7S III ដើម្បីតាមថតឡានអគ្គិសនី Vision-S ដែលកំពុងអភិវឌ្ឍរបស់ក្រុមហ៊ុន Sony ផ្ទាល់។ វីដេអូដែលថតបានគឺជាទេសភាពដ៏ស្រស់ស្អាតនៃកំពូលភ្នំដែលគ្របដណ្តប់ដោយព្រិលនៃប្រទេសអូទ្រីស។

ក្រុមហ៊ុន Sony និយាយថា Airpeak គឺជាដ្រូនតូចជាងគេបំផុតដែលអាចបំពាក់កាមេរ៉ាបែបនេះបាន។

លោក Kenichiro Yoshida ប្រធាន និងនាយកប្រតិបត្តិរបស់ក្រុមហ៊ុន Sony Corp មានប្រសាសន៍ថា៖ «Airpeak អាចឱ្យអ្នកផលិតវីដេអូថតយកតំបន់ថ្មីៗដើម្បីយកមកបង្ហាញបាន។ ជាមួយកាមេរ៉ា Alpha របស់ក្រុមហ៊ុន Sony ការថតរូបភាពពីចម្ងាយបាននឹងល្អ អាចធ្វើទៅបាន។ អ្នកផលិតវីដេអូមានសមត្ថភាពគ្មានដែនកំណត់ ក្នុងការថតយករូបភាពស្អាតទាក់ភ្នែកពីលើអាកាសមក។ Airpeak នឹងកែប្រែមេឃឱ្យទៅជាកន្លែងលេងគ្មានដែនកំណត់ដ៏ឆ្នៃប្រឌិតមួយ។»

ក្រុមហ៊ុន Sony ប្រកាសពីគម្រោងដ្រូន Airpeak នៅខែវិច្ឆិកា ឆ្នាំ2020  ហើយនិយាយថាវានឹងអាចចេញលក់នៅនិទាឃរដូវឆ្នាំ2021នេះហើយ។

ដ្រូនជាច្រើនត្រូវបានគេរំពឹងថាអាចធ្វើការបង្ហោះបាន បន្ទាប់ពីរដ្ឋបាលអាកាសចរណ៍សហព័ន្ធកាលពីពីរសប្តាហ៍មុន បានអនុម័តច្បាប់ដ្រូនតូចៗដែលអាចហោះហើរលើអាកាស និងពេលយប់បាន។

Yoshida បាននិយាយថាយាន Vision-S ដែលបានបង្ហាញខ្លួននៅក្នុងពិព័រណ៍ CES កាលពីឆ្នាំមុននិងមានឧបករណ៍ចាប់សញ្ញាដែលអាចត្រូវបានប្រើសម្រាប់ការបើកបរដោយខ្លួនឯង បច្ចុប្បន្នកំពុងត្រូវបានសាកល្បងលើផ្លូវសាធារណៈ៕

• វិទ្យាសាស្រ្ត
• ជំនួញ
• វីដេអូ