រាជធានីភ្នំពេញ៖ ទោះបីមានភាពប្រឈម ដែលបង្កឡើងដោយជំងឺឆ្លងរាតត្បាតកូវីដ-១៩ក្ដី ក្រុមហ៊ុន អេសស៊ីជី (SCG) ដែលឈានមុខគេនៅក្នុងទីផ្សារអាស៊ាន ក្នុងវិស័យឧស្សាហកម្មផលិតស៊ីម៉ង់ត៍ និងគ្រឿងសំណង់ នៅតែបន្តផ្ដល់អាហារូបករណ៍ដល់សិស្សនិស្សិតកម្ពុជាជាង១២០នាក់ នៅឆ្នាំនេះ។
អាហារូបករណ៍ ដែលបានប្រគល់ជូនសិស្សនិស្សិតកាលពីដើមខែមករានេះ សំដៅជួយដល់សិស្សនិស្សិតដើម្បីសម្រាលការលំបាកដែលបង្កដោយជំងឺរាតត្បាតកូវីដ-១៩ និងជួយដល់ពួកគេក្នុងការបន្តក្ដីសុបិនសម្រាប់ការអប់រំរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក រ៉ាតឆាយុត កាសេមឆៃសិរិ (Ratchayut Kasemchaisiri) នាយកអេសស៊ីជី ប្រចាំកម្ពុជា បានមានប្រសាសន៍ថា៖
លោក រ៉ាតឆាយុត មានប្រសាសន៍ដូច្នេះថា៖
យុវតី សួន ស្រីវរលក្ខណ៍ អាយុ១៩ឆ្នាំ ជាសិស្សវិទ្យាល័យវត្តកោះ នៅរាជធានីភ្នំពេញ ដែលស្ថិតក្នុងចំណោមសិស្សនិស្សិតដែលបានទទួលអាហារូបករណ៍ពី អេសស៊ីជី បាននិយាយថា រូបនាង និងម្ដាយជាស្ត្រីមេម៉ាយ រស់នៅសព្វថ្ងៃពឹងអាស្រ័យលើប្រាក់ចំណូលពីបងប្រុសពីរនាក់របស់នាង។
យុវតី ស្រីវរលក្ខណ៍ និយាយថា បងប្រុសទាំងពីរនាក់របស់នាងបានធ្លាក់ចុះចំណូលយ៉ាងខ្លាំង បន្ទាប់ពីរងផលប៉ះពាល់ពីជំងឺរាតត្បាតកូវីដ-១៩ និងថា ការធ្លាក់ចំណូលនេះធ្វើឲ្យប៉ះពាល់ដល់ជីវភាពរបស់គ្រួសារនាង។
យុវតី សួន ស្រីវរលក្ខណ៍ និយាយយ៉ាងដូច្នេះថា៖
យុវសិស្ស លាង វ៉ាន់សាក់ អាយុ ១៨ឆ្នាំ ជាសិស្សថ្នាក់ទី១២ នៃវិទ្យាល័យ ជាស៊ីមសាមគ្គី ដែលបានទទួលអាហារូបករណ៍ផងដែរ បាននិយាយថា ជំងឺកូវីដ-១៩ បានជះផលប៉ះពាល់ធ្ងន់ធ្ងរដល់ចំណូលគ្រួសាររបស់ខ្លួន។
យុវសិស្ស វ៉ាក់សាក់ និយាយយ៉ាងដូច្នេះថា៖
ចាប់តាំងពីឆ្នាំ ២០១៤ មក ក្រុមហ៊ុន អេសស៊ីជី បានផ្ដល់អាហារូបករណ៍ដល់សិស្សនិស្សិតសរុបជាង ១៣០០ នាក់ នៅក្នុងប្រទេសកម្ពុជានៅក្រោមកម្មវិធី “អេសស៊ីជី ចែករំលែកក្ដីសុបិន” របស់ខ្លួន។
នៅឆ្នាំនេះទោះបីមានភាពប្រឈមដោយសារកូវីដ-១៩ក្ដី អេសស៊ីជី នៅតែប្ដេជ្ញាចិត្តជាបន្តក្នុងការជួយដល់យុវជនកម្ពុជាដើម្បីសម្រេចក្ដីសុបិនសម្រាប់អនាគតដែលពួកគេចង់បាន។
នៅឆ្នាំ២០២០ អេសស៊ីជី ក៏បានផ្ដល់អំណោយសង្គ្រោះជាគ្រឿងឧបភោគបរិភោគ ដល់គ្រួសារជាច្រើនពាន់ដែលរងផលប៉ះពាល់ដោយសារទឹកជំនន់ បានបរិច្ចាគប្រអប់សុវត្ថិភាពវេជ្ជសាស្ត្រដល់ក្រសួងសុខាភិបាល សម្រាប់ប្រើប្រាស់ដើម្បីប្រយុទ្ធប្រឆាំងនឹងជំងឺកូវីដ-១៩ ព្រមទាំងបានចែកម៉ាស និងទឹកអាល់កុលលាងសម្អាតដៃ ដល់សាធារណជនផងដែរ។
លើសពីនេះទៀត អេសស៊ីជី ក៏បានបរិច្ចាគស៊ីម៉ង់ត៍ និងគ្រឿងសំណង់ ដែលមានទឹកប្រាក់ជាច្រើនពាន់ដុល្លារទៅដល់សាលាដូង នៅឧទ្យានជាតិគិរីរម្យ និងវិទ្យាស្ថានបច្ចេកវិទ្យាកំពង់ស្ពឺថែមទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
