ចង់រកការងារធ្វើ? ១៦ពាក្យ ដ៏មានឥទ្ធិពល ពេលអ្នកសម្ភាសន៍ការងារ

យល់ដឹង៖ នៅពេលអ្នកទទួលបានការសម្ភាសន៍ អ្នកនឹងត្រូវបានគេសួរនូវសំនួរចាក់ដោតដូចជា៖  ៉What are 3 words to describe you?  ៉ នៅពេលនោះហើយដែលធ្វើឱ្យអ្នកច្របូកច្របល់ក្នុងចិត្ត និង ទាល់ច្រករកពាក្យ​មកពិពណ៍នាអំពីខ្លួន។ អ្នកប្រាកដជាសួរខ្លួនឯងថា៖

បើខ្ញុំជ្រើសរើស X ជាជម្រើសល្អអត់ទេ?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើខ្ញុំជ្រើសរើស Y តើពួកគេនឹងគិតយ៉ាងម៉េច?

ចម្លើយនោះគឺ៖ វាអាស្រ័យទៅកាលៈទេសៈ។

អ្វីៗគ្រប់យ៉ាងបានផ្លាស់ប្រែក្នុងឆ្នាំ២០២១ គិតចាប់ពីយុទ្ធសាស្រ្តក្នុងការស្វែងរកការងារធ្វើ របៀបនៃការជួលមនុស្សមកធ្វើការ និង វិធីនៃការសម្ភាសន៍ជាដើម។

នៅពេលទទួលបានឱកាសក្នុងការសម្ភាសន៍ វាសំខាន់ណាស់ក្នុងការជ្រើសរើសពាក្យដែលល្អបំផុតមកពិពណ៍នាអំពីខ្លួនឯង។ គន្លឹះក្នុងការជ្រើសរើសពាក្យគឺត្រូវជ្រើសពាក្យណា ដែលទាក់ទងជាមួយនឹងបេសកកម្ម ឬគោលដៅរបស់ក្រុមហ៊ុន និង​ តម្រូវការងារដែលគេត្រូវការនោះឯង។

ការជ្រើសរើសពាក្យ ឱ្យបានត្រឹមត្រូវក្នុងពិពណ៍នាអំពីខ្លួនឯង គឺអាចជាឱកាសមាសសម្រាប់អ្នក អាចស្ថិតក្នុងបញ្ជីនៃការជ្រើសរើសជាដើម។

ខាងក្រោមនេះ​គឺជាពាក្យជាភាសាអង់គ្លេសមួយចំនួន ដែលអាចប្រើដើម្បីពិពណ៍នាខ្លួនឯង៖

·         ចេះបត់បែន 

·         ចូលចិត្តរៀនអ្វីដែលថ្មីៗ

·         អត់ធ្មត់ 

·         ជឿជាក់បាន

·      ចេះត្រៀមទុកមុន 

·        ពូកែខាងអង្កេត និង ឆាប់យល់ការ

·         មានសណ្តាប់ធ្នាប់ និង បែបបទក្នុងការធ្វើការច្បាស់លាស់

·         ក្លាហាន មិនរុញរា

·         ស្មោះត្រង់

·         មានទំនួលខុសត្រូវ

·        ចេះធ្វើជាក្រុម

·       ល្អិតល្អន់ ច្បាស់ក្នុងការងារ

·         មានសីលធម៍ ចេះគោរពអ្នកដទៃ

·         ពូកែដោះស្រាយបញ្ហា

·      ចេះគ្រប់គ្រងអារម្មណ៍ខ្លួនបានល្អ

·         ឯករាជ្យ ម្ចាស់ការ

សូមចងចាំថា គោលបំណងដែលគេសួរសំនួរអ្នកជាមួយសំនួរ៖ “What are 3 words to describe yourself” គឺដូចជាការផាត់ពណ៍ផ្ទាំងក្រណាត់ ដែលជាការបង្ហាញស្នាដៃទៅកាន់អ្នកសម្ភាសន៍អញ្ចឹង។

នៅពេលអ្នកគិតអំពីសិល្បៈនៅលើផ្ទាំងក្រណាត់ វាមានពណ៍ ទំហំ និង អ្វីផ្សេងទៀតដែលវាត្រួតស៊ីគ្នា។ វាប្រៀបបានជាមួយបេក្ខជនដូចគ្នាដែរ ដែលថាពួកគេមានសមត្ថភាព ចំណេះដឹង ចំណេះធ្វើអាចខុសគ្នា ឬមានភាពប្រហាក់ប្រហែលគ្នា។

បុគ្គលិកលក្ខណៈរបស់អ្នកប្រៀបដូចជាការងារសិល្បៈនេះអញ្ចឹង ហើយវាជាតួនាទីរបស់ក្នុងការប្រាប់ទៅដល់អ្នកសម្ភាសន៍ ថាតើមានអ្វីពិសេសនៅខាងក្រោយស្នាដៃនេះ។ នេះក៏ជាកត្តាដ៏សំខាន់ ដែលអ្នកត្រូវធ្វើយ៉ាងណាដើម្បីឱ្យគេទិញស្នាដៃសិល្បៈរបស់អ្នក ឬ ធ្វើបែបណាដើម្បីឱ្យគេជ្រើសរើសយកអ្នកឱ្យខានតែបាន។

ចុងក្រោយនេះ សូមធ្វើយ៉ាងណា ជ្រើសរើសពាក្យដែលផ្តោតទៅ លទ្ធផល ការរួមចំណែកក្នុងក្រុមហ៊ុន និង ការអំពាវនាវឱ្យមានសកម្មភាពជាដើម។