ទាក់ទងគ្នាជិត២០ឆ្នាំ គូស្នេហ៍ Anne មិនខ្វល់រឿងរៀបការ

ថៃ៖ ពិតណាស់ ជឿជាក់ថាប្រិយមិត្តភាគច្រើន បានស្គាល់តារាស្រីជើងចាស់  Anne Thongprasom ដែលគេនិយមហៅខ្លីថា Anne ហើយ  ព្រោះរូបនាងបានប្រឡូកក្នុងវិស័យសិល្បៈនេះ តាំងពីរូបនាងនៅក្មេងមកម្លេះ។ បច្ចុប្បន្ន គួរឲ្យដឹងថា រូបនាងមិនត្រឹមតែជា តារាសម្តែងស្រីទេ នាងក៏ជាអ្នកដឹកនាំរឿងម្នាក់ផងដែរ។ នេះបង្ហាញថា តារាស្រីនេះពិតជាជោគជ័យខ្លាំង ក្នុងអាជីពការងារលើវិថីសិល្បៈនេះណាស់។

តែបើក្រឡេកមកមើលពី ជីវិតដៃគូនេះវិញ រូបនាងបានទាក់ទងជាមួយនឹងជាងថតរូប ដ៏ចំណានម្នាក់នោះគឺ  លោក A Tinnabhan Tantinirandr ។ គួរឲ្យដឹងទៀតថា ភាគច្រើននៃរូបថតរបស់តារាស្រីនេះ​ ជាទឹកដៃថតរបស់លោកផ្ទាល់។ បើងាកមកមើល ពីចំណងទំនាក់ទំនងនេះវិញ វាមានរយៈពេលដល់ទៅ១៧ឆ្នាំហើយ។ តែផ្ទុយទៅវិញ ពួកគេហាក់បីដូចជា មិនខ្វល់ពីការរៀបការបង្កើតគ្រួសារអ្វីបន្តិចឡើយ មិនត្រឹមតែប៉ុណ្ណោះ ពួកគេបានត្រឹមនិយាយថា ពួកគេជាមិត្តភក្តិពិតប្រាកដសម្រាប់គ្នា ព្រោះពួកគេអាចយល់ចិត្តគ្នាទៅវិញទៅមកល្អជាង មិត្តភក្តិដទៃទៀត។ ជាមួយគ្នានេះ ពួកគេតែងតែលើកទឹកចិត្តគ្នាទៅវិញទៅមកពេលដែលនរណាម្នាក់ កំពុងតែជួបបញ្ហា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើមើលតាមក្រសែភ្នែករបស់អ្នកទាំងពីរ ពួកគេ អាចចាត់ទុកថាជាគូសេ្នហ៍ស្មោះស្ម័គ្រមួយគូ។ អ្នកគាំទ្រតែងគិតថាពួកគេជាគូស្នេហ៍មួយគូដែលមានស្នេហាចាស់ទុំ មិនដូចក្មេងៗឃើញភ្លាមស្រលាញ់ភ្លាមទេ ព្រោះជាញឹកញាប់ ពួកគេតែងបង្ហាញរូបគូយ៉ាងស្និទស្នាលជាមួយគ្នា។ រាល់ពេលដែលឃើញរូបនាង មនុស្សស្រីជាច្រើនតែងច្រណែននឹងជីវិតគូដ៏ សាមញ្ញ ផ្អែមល្អែមរបស់នាងជាខ្លាំង៕

ចង់ដឹងថាគូស្នេហ៍តារាជើងចាស់រូបនេះស្និទស្នាលយ៉ាងណានោះ តោះទៅមើលខាងក្រោម៖

• ចំណងស្នេហា
• តារាថៃ