ស្ថានការណ៍តានតឹង! អាមេរិកបញ្ជូនយន្តហោះទម្លាក់គ្រាប់បែក US B-52 ទៅតំបន់មជ្ឈិមបូព៌ាសាជាថ្មីជាសញ្ញាព្រមានអ៊ីរ៉ង់

អាមេរិក៖ យោធាសហរដ្ឋអាមេរិកបានបញ្ជូនយន្តហោះទម្លាក់គ្រាប់បែក US B-52  ទៅតំបន់មជ្ឈិមបូព៌ាកាលពីថ្ងៃអាទិត្យម្សិលម្ងៃ៉ ដែលជាផ្នែកមួយនៃកិច្ចប្រឹងប្រែងក្នុងការបង្អួតពីសមត្ថភាពយោធារបស់ខ្លួន ខណៈមានភាពតានតឹងកាន់តែខ្លាំងឡើងជាមួយអ៊ីរ៉ង់។

បេសកកម្មនេះបានធ្វើឡើងបន្ទាប់ពីអ៊ីរ៉ង់បានបាញ់បង្ហោះមីស៊ីលផ្លោងចំនួន ២ ទៅភាគខាងជើងមហាសមុទ្រឥណ្ឌា ដែលមានចម្ងាយប្រមាណ ១៦០ គម ប៉ុណ្ណោះពីទីសំចតរបស់នាវាដឹកយន្តហោះចម្បាំងអាមេរិក បញ្ឆេះកំហឹងអាមេរិកសាជាថ្មីទៅលើសកម្មភាពរបស់អ៊ីរ៉ង់កាលពីពេលថ្មីៗនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បេសកកម្មបញ្ជូនយន្តហោះចម្បាំងនេះត្រូវបានគេរាយការណ៍ជាការបញ្ជូនលើកទី ៥ ហើយរបស់អាមេរិកក្នុងប៉ុន្មានខែថ្មីៗនេះ ក្នុងគោលបំណងបង្ហាញពីការប្តេជ្ញាចិត្តរបស់យោធាអាមេរិកចំពោះសន្តិសុខក្នុងតំបន់ តែទោះជាយ៉ាងណាក៏ដោយ កាលដែលអាមេរិកកាន់តែសម្ញែងអំណាចរបស់ខ្លួន ទំនាក់ទំនងរវាងប្រទេសទាំងពីរកាន់តែប្រៀបបានដូចជាភ្នំភ្លើងដែលរៀបនឹងផ្ទុះដូច្នោះដែរ៕