ទិដ្ឋភាពដ៏ប្លែកភ្នែក! វាលខ្សាច់សាហារ៉ា បានគ្របដណ្ដប់ទៅដោយព្រិលទឹកកក ក្រោយសីតុណ្ហភាពធ្លាក់ដល់ -៣អង្សា

អាល់ហ្សេរី៖ រូបភាពដ៏កម្រភ្នែកជាច្រើនសន្លឹកដែលថតដោយលោក Karim Bouchetata ទាំងនេះ បានបង្ហាញពីវាលខ្សាច់សាហារ៉ា គ្របដណ្តប់ទៅដោយព្រិលទឹកកក បន្ទាប់ពីសីតុណ្ហភាពធ្លាក់ចុះដល់ -៣អង្សា។

រូបភាពទាំងនេះបានថតនៅតំបន់វាលខ្សាច់សាហារ៉ាជិតទីក្រុង Ain Sefra តូចមួយនៃប្រទេសអាល់ហ្សេរី។ ទីក្រុង Ain Sefra ត្រូវបានគេហៅថា «ច្រកចូលទៅកាន់វាលខ្សាច់» វាមានកម្ពស់ប្រហែល ១០០ម៉ែត្រពីកម្រិតទឹកសមុទ្រ ហើយព័ទ្ធជុំវិញដោយភ្នំ Atlas ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរជម្រាបដែរថា វាលខ្សាច់សាហារ៉ាគ្របដណ្តប់ភាគច្រើនគឺទៅលើប្រទេសនៃទ្វីបអាហ្រ្វិកខាងជើង ហើយវាបានឆ្លងកាត់បម្រែបម្រួលសីតុណ្ហភាព​ និងសំណើមក្នុងរយៈពេលរាប់រយពាន់ឆ្នាំកន្លងមកហើយ ដោយបច្ចុប្បន្នវាមានភាពស្ងួតហួតហែង ប៉ុន្តែនៅ ១៥,០០០ឆ្នាំខាងមុខ វាអាចនឹងមានសំណើមឡើងវិញក៏ថាបាន៕