​ផូស៊ីលដាយណូស័រមួយ អាយុកាល៩៨លានឆ្នាំ ទំនងជាសត្វមានទំហំធំជាងគេបំផុត ដែលធ្លាប់រស់នៅលើផែនដី

បរទេស៖ យោងតាមការសិក្សាស្រាវជ្រាវរបស់ក្រុមអ្នកវិទ្យាសាស្ត្របាន​បង្ហាញថា ផូស៊ីល​ដាយណូស័រ ​ titanosaur sauropod មានអាយុកាល ៩៨លានឆ្នាំ​ ដែលត្រូវបានធ្វើកំណាយរកឃើញកាលពីឆ្នាំ ២០១២​ នៅខេត្ត Neuquén ប្រទេសអាហ្សង់ទីន គឺទំនងជាសត្វមានមាឌធំជាងសត្វនានា​នៅលើផែនដី​។

របកគំហើញនេះអាចជួយអ្នកជំនាញឱ្យយល់កាន់តែច្បាស់អំពីរបៀបដែលដាយណូស័រ ​titanosaur sauropod ​បានវិវត្ត និងរស់នៅរាប់លានឆ្នាំមុន។ ប៉ុន្តែបើទោះបីជាយ៉ាងណាក្តី សត្វដាយណូស័រ ​titanosaur មិនទាន់ត្រូវបានកំណត់ជាផ្លូវការ ថាជាសត្វមានទំហំជាងគេបំផុតដែលធ្លាប់មានវត្តមានលើផែនដីនោះទេ ដោយក្រុមអ្នកវិទ្យាសាស្ត្រមិនទាន់អាចរកភ័ស្តុតាងណាមួយមកបញ្ជាក់ឱ្យកាន់តែច្បាស់។ ដូច្នេះហើយ តំណែងជាសត្វមានមាឌធំជាងគេនៅលើផែនដី គឺនៅតែ​​បានទៅលើត្រីបាឡែនខៀវ ដែលមានទំហំធំបំផុតរហូតដល់ទៅ ៣៣.៥ម៉ែត្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមក្រុមអ្នកស្រាវជ្រាវនៅខេត្ត Neuquén បានឱ្យដឹងថា ខេត្ត Neuquén គឺ​ធ្លាប់ជាជម្រករបស់ពពួកសត្វដាយណូស័រស៊ីរុក្ខជាតិ titanosaur sauropod ជាច្រើនប្រភេទកាលពី ៩៨ លានឆ្នាំមុន។ ក្នុងនោះដែរ សត្វនីមួយៗមាន​ទំហំ ក៏ដូចជាតួនាទីខុសៗគ្នានៅក្នុងប្រព័ន្ធអេកូឡូស៊ី និង​សង្វាក់ចំណីអាហារ៕

• វិទ្យាសាស្រ្ត