វិធីសាស្ត្រងាយៗ ដោះស្រាយបញ្ហាមុនកើតដោយសារស្រ្តេស

ស្រ្តេសបញ្ចេញអ័រម៉ូនCortisol នៅក្នុងរាងកាយដែលមិនត្រឹមតែប៉ះពាល់ដល់ផ្លូវកាយ និងផ្លូវចិត្តប៉ុណ្ណោះទេ វាថែមទាំងជះឥទ្ធិពលដល់ស្បែករបស់យើងផងដែរ។ ពិតណាស់ ស្រ្តេសអាចបណ្ដាលឲ្យយើងកើតមុនឥតឈប់ឈរ ហើយមុនប្រភេទនេះមិនមែនកើតឡើងនៅមុនពេលដែលយើងមករដូវឡើយ។ ផ្ទុយទៅវិញ នៅពេលដែលយើងមានអារម្មណ៍ស្រ្តេសរយៈពេលយូរ យើងប្រាកដជាគេចមិនផុតពីការលេចឡើងនូវមុនដែលកើតពីស្រ្តេសនេះឡើយ។

១. ម៉េចស្រ្តេសនាំឲ្យយើងកើតមុន?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅពេលដែលយើងស្រ្តេស ស្បែករបស់យើងនឹងស្ថិតនៅក្នុងការការពារ ហើយអ័រម៉ូនCortisol និងអ័រម៉ូនភេទឈ្មោល Adrenal នឹងផ្ដេកផ្ដួលទៅតាមស្រ្តេសដើម្បីការពារយើង។ ប៉ុន្តែ សារធាតុគីមីដែលមាននៅក្នុងស្បែកទាំងនេះ នឹងដុតបញ្ឆេះក្រពេញសេប៊ូម (Sebaceous) ដែលធ្វើឲ្យស្បែករបស់យើងចេញមុនកាន់តែច្រើនឡើង។ ដូចគ្នាទៅនឹងមុនផ្សេងទៀតដែរ មុនដែលកើតពីស្រ្តេស គឺបង្កឡើងដោយបាក់តេរី ប្រេង ការរលាក និងអ័រម៉ូន។ រោគសញ្ញាទូទៅមួយចំនួននៃការកើតមុនស្ត្រេស រួមមានការឡើងក្រហម រមាស់ និងការកើនឡើងនៃមុនក្បាលខ្មៅ និងមុនក្បាលស ព្រមទាំងមុនធម្មតាផងដែរ។ ជាទូទៅ មុនប្រភេទនេះនឹងលេចឡើងនៅបរិវេណថ្ងាស ច្រមុះ និងចង្កា។ យ៉ាងណាមិញ ការព្យាបាលមុនកើតពីស្រ្តេសនេះ គឺស្រដៀងទៅនឹងការព្យាបាលមុនប្រភេទផ្សេងទៀតផងដែរ។

២. យើងគួរព្យាបាលមុនកើតពីស្រ្តេសបែបណា?

គ្នាយើងភាគច្រើន តែងតែជ្រើសរើសប្រើប្រភេទថ្នាំបន្តក់មុន ដែលមានផ្ទុកសារធាតុ Benzoyl Peroxide ឬអាស៊ីដSalicylic។ ទោះបីជាថ្នាំប្រភេទនេះងាយស្រួលក្នុងការលាបក៏ពិតមែន ប៉ុន្តែវាក៏អាចបង្កឲ្យមានការរលាក និងស្ងួតខ្លាំងផងដែរ។ នៅក្នុងករណីដែលយើងកើតមុនស្រ្តេសធំៗដែលបណ្ដាលឲ្យមានការឈឺចាប់ យើងក៏អាចស្អំទឹកកក ឬស្អំទឹកក្ដៅផងដែរ។ បន្ថែមពីនេះ យើងក៏អាចប្រើប្រាស់ដុំទឹកកកដែលផ្សំឡើងពីតែបៃតង ដើម្បីកាត់បន្ថយការផលិតខ្លាញ់នៃស្បែក។

នៅក្នុងករណីកើតមុនកាន់តែធ្ងន់ធ្ងរ ឬស្នាមក្រហម និងរមាស់មិនថមថយ ចូរពិគ្រោះយោបល់ជាមួយនឹងគ្រូពេទ្យសើស្បែក ដើម្បីការពារស្នាមមុនឲ្យបានទាន់ពេលវេលា។

៣. វិធីសាស្ត្រកាត់បន្ថយស្រ្តេស ដើម្បីកែលម្អស្បែក

ដើម្បីកាត់បន្ថយបញ្ហាមុនដែលកើតពីស្រ្តេសនេះ យើងចាំបាច់ត្រូវរក្សាទម្លាប់ល្អនៅក្នុងការរស់នៅដោយការហាត់យ៉ូហ្កា ឬធ្វើសមាធិ ក៏ដូចជាដើរលេងនៅខាងក្រៅ។ល។ លើសពីនេះ របបអាហារល្អ និងការគេងគ្រប់គ្រាន់ ក៏រួមចំណែកក្នុងការជួយឲ្យអារម្មណ៍យើងបានស្រស់ថ្លា និងកាត់បន្ថយស្រ្តេសផងដែរ។

បញ្ហាមុនដែលកើតពីស្រ្តេសនេះ គឺពិតជាគួរឲ្យធុញទ្រាន់ណាស់ ហើយវាក៏មិនបាត់ទៅវិញភ្លាមៗនោះដែរ។ ដូច្នេះហើយ ចូរថែរក្សាខ្លួនរបស់យើងឲ្យបានល្អ ដោយព្យាយាមកាត់បន្ថយស្រ្តេសឲ្យនៅកម្រិតទាបតាមដែលអាចធ្វើបាន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

​វិធីសាស្ត្រ​ងាយ​ៗ​ ​ដោះស្រាយ​បញ្ហា​​មុន​​កើត​ដោយសារស្រ្តេស

១. ​​ម៉េច​​ស្រ្តេស​​​នាំ​ឲ្យ​យើង​កើត​មុន?

២. យើង​គួរ​ព្យាបាល​មុន​កើត​ពី​ស្រ្តេស​បែប​ណា​?

៣. វិធីសាស្ត្រ​កាត់​បន្ថយ​ស្រ្តេស ដើម្បី​កែ​លម្អ​ស្បែក​

In Case You Missed It

វិធីសាស្ត្រងាយៗ ដោះស្រាយបញ្ហាមុនកើតដោយសារស្រ្តេស

១. ម៉េចស្រ្តេសនាំឲ្យយើងកើតមុន?

២. យើងគួរព្យាបាលមុនកើតពីស្រ្តេសបែបណា?

៣. វិធីសាស្ត្រកាត់បន្ថយស្រ្តេស ដើម្បីកែលម្អស្បែក