ប្រទេសចិន ប្រកាសដាក់ទណ្ឌកម្ម​លោក Pompeo និង​មន្ត្រីអាមេរិកជាច្រើននាក់ទៀត

ប៉េកាំង៖ ក្រសួងការបរទេសចិន​និយាយថា ប្រទេសចិនបានសំរេចដាក់ទណ្ឌកម្មលើ​មន្ត្រីអាមេរិកចំនួន ២៨រូប ក្នុងនោះមានទាំងអតីតរដ្ឋមន្រ្តីក្រសួងការបរទេសសហរដ្ឋអាមេរិក លោក Pompeo ពីបទរំលោភអធិបតេយ្យភាពរបស់ចិន។

សេចក្តីថ្លែងការណ៍បានគូស​បញ្ជាក់ថា លោក Pompeo និង​មន្ត្រីផ្សេងទៀត បានរៀបចំផែនការ រួមទាំងលើកកម្ពស់ ​ក៏ដូចជា​ធ្វើសកម្មភាពដែលមិនអាចទទួលយកបាន​ ដោយ​ការជ្រៀតជ្រែកយ៉ាងខ្លាំងក្នុងកិច្ចការផ្ទៃក្នុងរបស់ចិន ជាហេតុធ្វើឱ្យប៉ះពាល់ដល់ផលប្រយោជន៍ចិន ធ្វើឱ្យប្រជាជនចិនអាក់អន់ចិត្ត ​រួមទាំង​ប៉ះពាល់យ៉ាងខ្លាំងដល់ទំនាក់ទំនងចិន-អាមេរិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ អតីតមន្ត្រីអាមេរិកទាំង ២៨រូប ​រួមទាំងសមាជិកគ្រួសារ​ នឹងត្រូវបានហាមឃាត់មិនឱ្យធ្វើដំណើរចូលចិន​ដីគោក ហុងកុង ឬម៉ាកាវ នោះទេ។ ហើយក្រុមហ៊ុននិងស្ថាប័នដែលជាប់ទាក់ទងជាមួយពួកគេ ក៏ត្រូវបានហាមឃាត់មិនឱ្យធ្វើពាណិជ្ជកម្មជាមួយចិនផងដែរ។

គួរជម្រាបដែរថា ក្រៅពី​អ្នកទាំងនេះ ចិនក៏បានដាក់ទណ្ឌកម្មលើ​​មន្រ្តី​ក្នុងអាណត្តិលោក ត្រាំ ផ្សេងទៀតរួមមាន ទីប្រឹក្សា​ផ្នែក​ពាណិជ្ជកម្ម​ លោក Peter Navarro ទីប្រឹក្សាសន្តិសុខជាតិ លោក Robert O’Brien និងលោក John Bolton រដ្ឋមន្រ្តីក្រសួងសុខាភិបាល លោក Alex Azar ឯកអគ្គរដ្ឋទូតសហរដ្ឋអាមេរិក លោកស្រី Kelly Craft និងអតីតជំនួយការកំពូលលោ ត្រាំ លោក Steve Bannon ៕