ព្រោះតែរឿងអាស្រូវបោះបង់ មិនចិញ្ចឹមកូន តារាស្រីចិនលំដាប់ A ម្នាក់នេះ ត្រូវខាតបង់ប្រាក់រាប់លានដុល្លារ

ចិន៖ យោងតាមព័ត៌មានដែលត្រូវបានផ្សព្វផ្សាយយ៉ាងព្រោងព្រាត នៅលើប្រព័ន្ធផ្សព្វផ្សាយក្នុងប្រទេសចិន បានឲ្យដឹងថា ពេលនេះតារាសម្តែងស្រីជួរមុខ Zheng Shuang  ត្រូវបានក្រសួងចិន ប្រកាស បិទរាល់សកម្មភាពសិល្បៈទាំងអស់ មិនថា ថតផ្សាយផលិតផល ក៏ដូចជាខ្សែភាគយន្តរបស់នាង។

មិនត្រឹមតែប៉ុណ្ណោះ​ តារាស្រីវ័យ ២៩ ឆ្នាំរូបនេះ នឹងត្រូវសងលុយជំនឿចិត្ត ទៅប្រ៊េនម៉ាកល្បី ៗ ដូចជាគ្រឿងសំអាង Chioture គ្រឿងសំអាងសាប៊ូកក់សក់ Kangaroo នាឡិកាម៉ាក់ Lolarose ប្រេ៊ន Prada និងផលិតផលផ្សេងៗទៀតក្នុងការបំពានកិច្ចសន្យាកុងត្រា ដែលគេសន្មត់ថា ប្រហែលជាទំហំសាច់ប្រាក់ ជាង ២៣ លានដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរ រឿងអាស្រូវជីវិតឯកជនរបស់តារាស្រីរូបនេះ ដោយ​សារ​ «ជួល​គេ​បង្កើត​កូន​ ហើយ​បោះបង់​ចោល» ត្រូវបានប្រជាពលរដ្ឋ ក៏ដូចជាក្រសួង បានថ្កោលទោសជាខ្លាំង ដែលបង្ហាញជាទង្វើ បានប៉ះពាល់ដល់ក្រមសីលធម៌នៃភាពជាមនុស្ស  ក្នុងនាមជាអ្នកសិល្បៈ គួរតែបង្ហាញនូវគម្រូទៅដល់សាធារណៈ ហេតុដូច្នេះ មនុស្សមានគំនិតអវិជ្ជមានលើជីវិតមនុស្សដូចជារូបនាង គេបានគិតថា មិនសាកសមនឹងបង្ហាញមុខ ជាបុគ្គលរបស់សាធារណជននោះទេ៕

សូមទស្សនារូបភាពខាងក្រោម៖ 

• តារាចិន