ស្ញប់ស្ញែងមែន សាលាមួយនេះ បើកបង្រៀនគំនូរ របាំ និងភ្លេងបុរាណ ដោយឥតគិតប្រាក់

រាជធានីភ្នំពេញ ៖ ពិតមែនណាស់ ដោយសារតែមានទឹកចិត្តចង់រក្សា អភិរក្សវប្បធម៌ ភ្លេងខ្មែរ ព្រមទាំងរក្សាកេរ្តិ៍ដំណែលខ្មែរ ដែលបានបន្សល់ទុកតាំងពីយូរលង់នោះ ឲ្យនៅបានគង់វង្សបន្តដល់ជំនាន់ក្រោយៗទៀតនោះ សាលាសិល្បៈមួយកន្លែងដែលមានឈ្មោះថា សាលាសិល្បៈចម្រុះចំប៉ី មានទីតាំងនៅរាជធានីភ្នំពេញបានប្រកាសបើកបង្រៀនសិស្ស លើជំនាញសំខាន់ៗទាំង៣ ដោយគិតឥតប្រាក់។ គួរបន្ថែមទៀតថា មុខវិជ្ជាទាំង៣ នោះគឺមាន របាំបុរាណនិងប្រពៃណី ភ្លេងបុរាណ និងគំនូរបុរាណនិងវិចិត្រកម្ម។

ជាមួយគ្នានេះ សាលាបានប្រាប់ពីលក្ខខណ្ឌមួយចំនួនបន្ថែមទៀតថា​ សាលាមានបង្រៀន ២ពេលគឺ ពេលព្រឹក ចាប់ពីម៉ោង ៧:៣០នាទីព្រឹកដល់ ម៉ោង១១: ០០រសៀល និង វេនល្ងាចពីម៉ោង ១:៣០នាទីរសៀលដល់ម៉ោង ៥:០០ល្ងាច ហើយរៀន ៦ថ្ងៃ ក្នុងមួយសប្តាហ៍ ចាប់ពីថ្ងៃច័ន្ទ​ ដល់ ថ្ងៃសៅរ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំណែកឯ ការជ្រើសរើសសិស្សចូលរៀនវិញ គឺចាប់ទទួលពីអាយុ ៥ឆ្នាំដល់ ២២ឆ្នាំហើយមានទីតាំងនៅក្រោយសាលាភូមិន្ទវិចិត្រសិល្បៈ (សាលារចនា)។

គួរបញ្ជាក់ទៀតថា ប្រសិនបើមហាជនមានចម្ងល់បន្ថែម សូមទំនាក់ទំនងទៅកាន់លេខទូរសព្ទផ្ទាល់របស់សាលា ដែលមានដូចតទៅ ៖ ០២៣ ៥៥៥ ២០៥៧ / ០១៥ ៣៣ ៧៧​ ៥៦៕

បើចង់ដឹងឲ្យច្បាស់នោះ តោះទៅមើលរូបខាងក្រោម ៖

• យុវវ័យ
• សាលា