ទុក្ខជាន់ទុក្ខ! ផ្ទះថ្មីទើបទិញ ជាង២០លានដុល្លារ Zheng Shuang បង្ខំចិត្តលក់ចេញភ្លាមៗ ព្រោះតែ...

ចិន៖ កាលពីថ្មីៗនេះ គេហដ្ឋាន​របស់តារាស្រី Zheng Shuang  ដែលមានតម្លៃជាង ២៣លាន​ដុល្លារ នៅ​ក្នុង​​តំបន់​ថ្លៃ​បំផុត​ The Magic City Fuxing Long Royal ស្ថិត​នៅ​កណ្ដាល​ទី​ក្រុង​សៀងហៃ ​ត្រូវបានលក់ចេញយ៉ាងឆាប់រហ័ស។

យោងតាមព័ត៌មាន ដែលឈ្មួញកណ្តាលលក់អចលនៈទ្រព្យ បានចែករំលែកថា Penthouse​ មានទំហំ ៦៣០ ម៉ែតការ៉េមួយនេះ ត្រូវបានលក់ចេញ​ក្នុងរយៈពេលតែ ២ម៉ោងតែប៉ុណ្ណោះ បន្ទាប់ពីបានដាក់លក់ ក្នុងតម្លៃថោកជាង ខណៈពេលទិញ ត្រឹមតែ ២០លានដុល្លារ ក្នុងលក្ខខ័ណ្ឌ ទាមទារឱ្យអ្នកទិញស្នើសុំការទូទាត់ប្រាក់យ៉ាងឆាប់រហ័សបំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាមប្រភពដដែល បាន​ឲ្យ​ដឹង​ថា តារាស្រីវ័យ ២៩ឆ្នាំ ប្រឈមមុខ​សង​ប្រាក់កុងត្រា​ខ្លួន​បំពាន ប្រហែលជាទំហំសាច់ប្រាក់ ជាង ២៣ លានដុល្លារ ហេតុដូច្នេះដោយ​សារ​នាង​គ្មានលទ្ធភាព​បង់​ ទើបសម្រេចចិត្ត លក់ទាំងបង្ខំបែបនេះ។

គួររលឹកថា តារាសម្តែងរូបនេះត្រូវបានទទួលសម្ពាធពីសំណាក់សាធារណជន និងទីភ្នាក់ងារសារព័ត៌មាន ដោយសារតែរឿងអាស្រូវ «ការពពោះជំនួស និងការរំលូតកូន» បានប៉ះពាល់ដល់កេរ្តិ៍ឈ្មោះរបសនាង បានបណ្តាលឲ្យប្រេ៊នធំៗ មួយចំនួនសម្រេចចិត្តផ្តាច់កុងត្រាភ្លាមៗ ថែមទាំងត្រូវបង់លុយរាប់លានដុល្លារសងគេទៀតផង៕

សូមទស្សនារូបភាពខាងក្រោម៖ 

• តារាចិន