រាជធានីភ្នំពេញ ៖ ពិតណាស់ ក្នុងពេលបច្ចុប្បន្ននេះ គ្រោះថ្នាក់ចរាចរណ៍កើតឡើងជារៀងរាល់ថ្ងៃ ហើយបានផ្តាច់យកជីវិតមនុស្សជាច្រើនក្នុងមួយរំពេចភ្នែក ដោយគ្មានភាពអាសូរបន្តិចណាឡើយ។
ជាក់ស្តែង កាលពីយប់ថ្ងៃទី ២៣ ខែមករា ឆ្នាំ២០២១នេះ ក្នុងវេលាម៉ោង ៨នាទីយប់ មានករណីគ្រោះថ្នាក់ចរាចរណ៍មួយយ៉ាងរន្ធត់ បានកើតឡើងនៅមុខច្រកបុរីប៉េងហួតផ្លូវ២១៧ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ដែលក្នុងនោះបណ្តាលឲ្យនារីម្នាក់ត្រូវបានបាត់បង់ជីវិតភ្លាមៗនៅនឹងកន្លែង យ៉ាងរន្ធត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ថា នារីដែលស្លាប់ខាងលើបង្កដោយសាររថយន្តម៉ាក ALPHARD ពណ៌ស ពាក់ស្លាកលេខភ្នំពេញ 2BJ-2004 បេីកបរដោយបុរសម្នាក់ បើកបុករះម៉ូតូ២គ្រឿងហើយកិនពីលើនារីជនរងគ្រោះស្លាប់នៅនឹងកន្លែងតែម្តង។
នេះបានដឹងថា ដំបូងឡេីយរថយន្តបង្កបេីកប៉ះរថយន្តមួយគ្រឿង នៅមុខវត្តសំបួរមាស ហេីយមិនព្រមឈប់ទេ បានបេីករត់គេចខ្លួនទាំងភ័យស្លន់ស្លោទៅបុកប៉ះរថយន្ត កាម៉ារីមួយគ្រឿងទៀត ហេីយនៅតែមិនឈប់ទៀត បានបន្តបេីករត់គេចមកដល់កន្លែងកេីតហេតុខាងលេី រហូតបន្តទៅបុកម៉ូតូហុងដាឌ្រីមសង់ សេ១២៥ ពណ៌ខ្មៅ ពាក់ស្លាកលេខតាកែវ 1N-8939 រងការខូចខាងយ៉ាងដំណំ ចំណែកបុរសជាអ្នកបើកម៉ូតូរបួសស្រាល ហើយបន្តបុកម៉ូតូហុងដាស្កុបពី ពណ៌ស ពាក់ស្លាកលេខ ភ្នំពេញ 1II-9166 បើកបរដោយនារីម្នាក់ ដែលជាជនរងគ្រោះស្លាប់ខាងលើ ដោយរថយន្តកិនពីលើជនរងគ្រោះ ហើយប្រភពពីគ្រួសារសពបានបញ្ជាក់ថា នារីជនរងគ្រោះខាងលើជិតដល់ថ្ងៃចូលរោងការផងដែរ ៕
![](https://s9.kh1.co/35/351c26f82a6ac0c33299cb26b058ee713162aa4e.jpg)
![](https://s9.kh1.co/22/2244274fe19800f7c934e30bb80023c5a3d9b11c.jpg)
![](https://s9.kh1.co/6d/6d2c06147a16df46d7830947a14091d7eeb49cbf.jpg)
![](https://s9.kh1.co/2d/2d490b9defa2cf1465cf2e4b70448140476948b9.jpg)
![](https://s9.kh1.co/a3/a3204e8c1b5e182034a4f85045dfaef138a4267a.jpg)
![](https://s9.kh1.co/e3/e3a91ee4987aa0d5789a49b10592ea47e4c56483.jpg)
![](https://s9.kh1.co/bd/bda9fbf88c02ef5eb03e330869454d74e48d6092.jpg)
![](https://s9.kh1.co/bf/bf08c5ef11979b36503d578521f4773d9f538551.jpg)
![](https://s9.kh1.co/5e/5e53d78ac63f28d50e0bdbb50de848a080926aa6.jpg)
![](https://s9.kh1.co/52/52a2482fa68c389a40fedbd239cab913030a9abc.jpg)
![](https://s9.kh1.co/d4/d4294f1c30e2479ec910d5edabf3a9e719e61aef.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]