អាមេរិក៖ ប្រធានាធិបតី ចូ បៃដិន បានប្រកាសពីផែនការមហិច្ឆតា ក្នុងការជំនួសយានយន្តទាំងមូលរបស់សហព័ន្ធទៅជាយានយន្តអគ្គិសនីវិញ ខណៈរដ្ឋបាលរបស់លោកនឹងងាកទៅរកការប្រើប្រាស់ថាមពលស្អាត។
លោក Biden ក៏បានសន្យាផងដែរថា រថយន្តអគ្គិសនីថ្មីទាំងនេះនឹងត្រូវផលិតនៅក្នុងសហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅពេលលោកចុះហត្ថលេខាលើបទបញ្ជា "Made in America" លោក បៃដិន បាននិយាយក្នុងពេលថ្លែងសុន្ទរកថា៖ «រដ្ឋាភិបាលសហព័ន្ធមានយានយន្តជាច្រើន ដែលយើងនឹងជំនួសដោយយានអគ្គិសនីថាមពលស្អាតផលិតនៅអាមេរិកដោយកម្មករអាមេរិក។»
លោកប្រធានាធិបតីបានបន្ថែមថា ការធ្វើបែបនេះនឹងបង្កើតឱ្យមានការងារដល់មនុស្សរាប់លាននាក់ក្នុងវិស័យផលិតរថយន្ត។
Pres. Biden: "The federal government also owns an enormous fleet of vehicles, which we're going to replace with clean electric vehicles made right here in America, by American workers."https://t.co/figJbDMrpt pic.twitter.com/racgwk9VGw
— ABC News Live (@ABCNewsLive) January 25, 2021
រដ្ឋាភិបាលសហព័ន្ធមានរថយន្តសរុបចំនួន645,000គ្រឿង បើយោងតាមរបាយការណ៍រដ្ឋបាលទូទៅឆ្នាំ2019 ដែលច្រើនជាង225,000គ្រឿងជាកម្មសិទ្ធិរបស់សេវាប្រៃសណីយ៍សហរដ្ឋអាមេរិក និងច្រើនជាង170,000គ្រឿងគឺជារបស់ទីភ្នាក់ងារយោធា។ ក្នុងចំណោមយានយន្តសរុបដែលជារបស់រដ្ឋាភិបាល មានតែ4,475គ្រឿងប៉ុណ្ណោះដែលជាយានយន្តអគ្គិសនី។
លោកប្រធានាធិបតីមិនបានបញ្ជាក់ថាពេលណាដែលគោលដៅជំនួសយានយន្តដ៏ធំនេះនឹងត្រូវបានអនុវត្តនោះឡើយ។
ភាគហ៊ុនក្រុមហ៊ុនផលិតរថយន្តអគ្គិសនីអាមេរិកបានកើនឡើងកាលពីថ្ងៃអង្គារផងដែរ បន្ទាប់ពីការប្រកាសរបស់លោក បៃដិន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
