Pat រឹងមាំណាស់ មើលថែទាំងកូន និងម្ដាយចាស់​បានយ៉ាងល្អិតល្អន់ (មានវីដេអូ)

ថៃ៖ ពិតណាស់ ប្រសិនបើក្រឡេកមកមើលតារាស្រីថៃ Pat Napapa វិញបានសបញ្ជាក់ឲ្យដឹងពីកាតព្វកិច្ចកូនកតញ្ញូយ៉ាងច្បាស់។ ដូចដែរបានដឹងហើយថា ក្រោយពីលែងលះរួចមក Pat ត្រូវទទួលរងបន្ទុកគ្រួសារជាទម្ងន់ ដោយខ្លួនត្រូវរកប្រាប់មកផ្គត់ផ្គង់គ្រួសារ ដែលមានកូនប្រុស និងម្តាយដែលធ្លាក់ខ្លួនឈឺសម្រាកមួយកន្លែង។

គួរបញ្ជាក់ថា បើទោះបីជារវល់មមាញឹកយ៉ាងណា តែរូបនាងមិនភ្លេចមើលថែម្តាយដែលឈឺឡើយ។ ថ្មីៗនេះ Pat បានបង្ហាញពីទម្លាប់ពេលព្រឹករបស់នាងមុនទៅធ្វើការ។ ពិតណាស់ នោះគឺជា ការមើលថែម្តាយឈឺរបស់ខ្លួន គួរបន្ថែមទៀតថា រូបនាងត្រូវចាប់ផ្តើមទៅទិញបបរសម្រាប់អ្នកម្តាយនៅម៉ោង ៨ព្រឹក បន្ទាប់មកត្រូវផ្លាស់កន្ទបថ្មីឲ្យគាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីគួរឲ្យកត់សម្គាល់នោះគឺ រូបនាងមើលទៅហាក់បីដូចជា មានជំនាញខ្លាំងណាស់ក្នុងការងូតទឹក សម្អាតខ្លួនឲ្យអ្នកម្តាយ។ មិនតែប៉ុណ្ណោះ រៀងរាល់ព្រឹក រូបនាងគឺជាអ្នកដែលត្រូវបញ្ចុកបបរឲ្យអ្នកមានគុណ នេះដោយសារតែគ្រូពេទ្យបានផ្តាំផ្ញើឲ្យមានការប្រយ័ត្នប្រយែងខ្លាំងជាមួយនឹងចំណីអាហាររបស់គាត់ ក្រោយពេល ដែលខ្លួនបានធ្វើឲ្យម្តាយទៅដល់មាត់ទ្វារយមរាជ​ក៏ព្រោះម្ហូបអាហារបានស្ទះនៅបំពង់ក។

តាមរយៈវីដេអូនេះ អ្នកប្រាកដជាដឹងថា ការមានកូនស្រីកតញ្ញូម្នាក់អាចមើលថែខ្លួនពេលជរាទៅ គឺពិតជាមានមោទនភាពប៉ុណ្ណាហើយ។ ទន្ទឹមនឹងនេះ វាក៏ធ្វើឲ្យអ្នកដឹងផងដែរថា Pat ជាស្ត្រីរឹងមាំដល់កម្រិតណា ខណៈពេលខ្លួនទទួលបន្ទុកច្រើនបែបនេះ តែខ្លួននាងនៅតែញញឹមដដែរ៕

បើចង់ដឹងឲ្យកាន់តែច្បាស់នោះ​ តោះទៅមើលវីដេអូខាងក្រោមទាំងអស់គ្នា ៖

• គ្រួសារ
• ជីវិត
• តារាថៃ