ក្តុកក្តួលណាស់! គ្រាន់តែលឺពាក្យទាំងនេះ យាយយ៉យ ជាម្តាយ ទប់ទឹកភ្នែកមិនជាប់ (មានវីដេអូ)

រាជធានីភ្នំពេញ ៖ ពិតណាស់ ក្រោយពីបានចូលរួមក្នុងកម្មវិធី Let CHAT don’t CHEAT របស់ 3 fun រួចមក យើងពិតជាបានដឹងពី​ ការចែករំលែកពីដំណើរជីវិតពិតរបស់ សិល្បការិនីជើងចាស់ គឺយាយយ៉យ និងកូនប្រុសពៅនាយព្រែក។

គួរបញ្ជាក់ថា តាមរយៈការលើកឡើងជាហូរហែរបស់ ម្តាយកូនអ្នកទាំងពីរ ធ្វើឲ្យទស្សនិកជន ក៏ដោយជាអ្នកគាំទ្ររបស់អ្នកទាំងពីរមានអារម្មណ៍ក្តុកក្តួលរហូតស្ទើរស្រក់ទឹកភ្នែក។ ក្នុងវត្តមានជាស្រ្តីម្នាក់ ជំហរគ្រួសារ អម្រែកធ្ងន់ដោយត្រូវទៅរកលុយផង មើលកូនផងក៏ពិតមែន តែ​ យាយយ៉យ នៅតែតស៊ូចិញ្ចឹមបីបាច់កូនឲ្យធំធាត់ មានគ្រួសាររៀងៗខ្លួន នៅសល់ នាយព្រែក តែម្នាក់ ដែលតែងតែនៅក្បែរគាត់រហូតមក។ បន្ថែមពីនេះ តារាស្រីរូបនេះបានប្រាប់ផងដែរថា នាយព្រែក ជាកូនម្នាក់ដែលមិនធ្លាប់បានបំផ្លាញគ្រួសារ មានតែភាពចម្រើន ព្រោះលោកចេះរកលុយឲ្យម្តាយតាំងពីខ្លួននៅក្មេង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែចំណែកតារាប្រុសសម្បុរស្រអែមរូបនេះវិញនោះ លោកបានប្រាប់ពីអារម្មណ៍ក្នុងចិត្ត ការដឹងគុណម្តាយ។ មិនតែប៉ុណ្ណោះ លោកបានប្រាប់ពិធីករ និងមហាជនថា នេះអាចមកពីខ្លួននៅជាប់ម្តាយ ឃើញសកម្មភាពម្តាយគ្រប់យ៉ាង មានទាំងការឈឺចាប់ ការហត់នឿយ ការតស៊ូ គឺមានន័យសុទ្ធតែដើម្បីកូន។

លោកបានបន្តទៀតថា អ្វីដែលលោកចង់ធ្វើនោះ គឺអាចបំពេញក្តីបំណងម្តាយក្នុងពេលអនាគត ដោយមានផ្ទះមួយលើ ដីតូចមួយនៅឯជនបទ ដែលអាចឲ្យម្តាយរីករាយនឹងជីវិតពេលរ៉ឺត្រែតពីវិថីសិល្បៈ៕

បើចង់ដឹងឲ្យកាន់តែច្បាស់នោះ តោះទៅមើលវីដេអូខាងក្រោមទាំងអស់គ្នា ៖

• គ្រួសារ
• ជីវិត
• តារាខ្មែរ