មិនបាច់ពិធីអស្ចារ្យ ខួបកំណើត ចៀវៃ ត្រឹមមានវត្តមានស្វាមី នៅក្បែរផ្ដល់ភាពកក់ក្ដៅមានក្ដីសុខពេក

តៃវ៉ាន់៖ គូស្វាមី ភរិយាតារាល្បីល្បាញប្រចាំប្រទេសចិន ជាពិសេសនៅ តៃវ៉ាន់ តារាសម្តែងស្រី Ruby Lin ហៅក្រៅ ចៀវៃ និងតារាសម្តែងប្រុស Wallace Huo នៅតែទទួលបានប្រជាប្រិយ និងជាទីក្រសែភ្នែករបស់ទស្សនិកជន ទោះបីអ្នកទាំងពីរ វ័យរាងកាន់តែជ្រេក៏ពិតមែន។

ជាក់ស្តែងអ្នកទាំងពីរ កម្របានបង្ហាញពីភាពផ្អែមល្ហែម ក៏ដូចជា បង្ហោះរូបភាពជាមួយគ្នាញឹកញាប់ ពីជីវិតក្រៅឆាកដ៏សែនសាមញ្ញ យ៉ាងមានសុភមង្គល នៅលើបណ្តាញសង្គម ហេតុដូច្នេះ​ បានធ្វើឲ្យមហាជន ចង់ដឹង ចង់លឺ ពីជីវិតឯកជនរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាថ្មីម្តងទៀត តារាសម្តែងប្រុសរូបនេះ លោក Wallace បានបង្ហោះរូបភាពប៉ុន្មានសន្លឹក យ៉ាងផ្អែមល្ហែម ជាមួយភរិយានៅលើបណ្តាញសង្គម ក្នុងឱកាសពិសេស ក្នុងថ្ងៃខួបកំណើតប្រពន្ធរបស់លោក ដែលឈានចូលវ័យ ៤៥ ឆ្នាំ។

ក្នុងនោះផងដែរយើងសង្កេតឃើញថា ទោះបីមិនមានពាក្យជូនពរ ក្នុងថ្ងៃពិសេសនេះ​ ប៉ុន្តែសកម្មភាពស្និទ្ធស្នាល ឱបកជាមួយស្នាមញញឹមពោរពេញទៅដោយមានក្តីសុខ ក៏សបញ្ជាក់ឲ្យឃើញថា ទោះបីវាមានសាមញ្ញក៏ពិតមែន តែគូស្វាមី និងភរិយាដ៏មានឥទ្ធិពលមួយគូ ពិតជាមានសុភមង្គលយ៉ាងពេញលេញនៃជិវិតអាពាហ៍ពិពាហ៍របស់ពួកគេ៕

សូមទស្សនារូបភាពខាងក្រោម៖

• តារាចិន