តឹងសរសៃកហើយ! ចិនព្រមានថា បើតៃវ៉ាន់ប្រកាសឯករាជ្យ នោះនឹងមានសង្គ្រាម

ប៉េកាំង៖​ ក្រោយពីបង្កើនសកម្មភាពយោធានៅក្បែរដែនកោះតៃវ៉ាន់ជាបន្តបន្ទាប់ នៅថ្ងៃព្រហស្បតិ៍ម្សិលមិញនេះ មហាយក្សចិនបាន​ប្រកាសក្តែងៗ និងធ្វើការព្រមានដល់​កោះតៃវ៉ាន់ថា «ការប្រកាសឯករាជ្យ​ គឺមានន័យថាជាការបង្កសង្គ្រាម» ហើយជាមួយគ្នានេះ កងទ័ពចិនក៏កំពុងចាត់វិធានការដើម្បីឆ្លើយតបនឹងការញុះញង់ ​ក៏ដូចជាការជ្រៀតជ្រែកពីសំណាក់បរទេស​ដែរ។ 

ប្រទេសចិនជឿជាក់ថា រដ្ឋាភិបាលដែលជាប់ឆ្នោតតាមបែបប្រជាធិបតេយ្យរបស់កោះតៃវ៉ាន់កំពុងផ្លាស់ប្តូរកោះនេះ ឱ្យឆ្ពោះទៅរកការប្រកាសឯករាជ្យភាពជាផ្លូវការ បើទោះបីជាប្រធានាធិបតីតៃវ៉ាន់ លោកស្រី Tsai Ing-wen បាន​លើកឡើងម្តងហើយម្តងទៀតថា តៃវ៉ាន់គឺជាប្រទេសឯករាជ្យរួចទៅហើយ ដែលមានឈ្មោះថា «សាធារណរដ្ឋចិន» ​(ឈ្មោះផ្លូវការ​កោះតៃវ៉ាន់)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្លែងក្នុងសន្និសីទសារព័ត៌មានប្រចាំខែស្តីអំពីសកម្មភាពថ្មីៗរបស់កងទ័ពអាកាស លោក Wu Qian អ្នកនាំពាក្យក្រសួងការពារជាតិចិនបានគូសបញ្ជាក់ដូច្នេះថា៖

លោក Wu Qian បន្តថា៖

ឆ្លើយតបទៅនឹងការលើកឡើងនេះ ក្រុមប្រឹក្សាកិច្ចការដីគោកតៃវ៉ាន់បានបោះសម្តីទៅវិញថា ប្រទេសចិនគួរតែគិត​ឱ្យបានម៉ត់ចត់ឡើងវិញ ហើយ​មិនគួរមើលស្រាលលើការប្តេជ្ញាចិត្តរបស់កងម្លាំងកោះតៃវ៉ាន់ ដែលមានគោល​ជំហរការពារអធិបតេយ្យភាព​ ​លើកស្ទួយសេរីភាព និងប្រជាធិបតេយ្យនោះឡើយ៕