កាន់តែច្បាស់! ក្រោយ លោកជំទាវ ដេត ម៉ាលីណា ប្តេជ្ញាមិនត្រូវគ្នាវិញជាមួយ ឧកញ៉ា ឌួង ឆាយ ឡើយ

សង្គម៖ នៅថ្ងៃទី ២៩ ខែ មករា ឆ្នាំ២០២១ ប៉ុន្មានម៉ោងមុននេះ លោកជំទាវ ដេត ម៉ាលីណា បានចេញមុខបកស្រាយទាក់ទងជាមួយរឿងផ្ទាល់ខ្លួនជាមួយ លោក ឧកញ៉ា ឌួង ឆាយ នៅលើ ផេកហ្វេសប៊ុកផ្លូវការរបស់លោកជំទាវ ។        ក្នុងវីដេអូ​ Live ប្រមាណ ៣០នាទី នោះ លោកជំទាវ បានអះអាងដាច់ខាតថា មិនអាចត្រូវគ្នាជាមួយលោក ឧកញ៉ា ឌួង ឆាយ បានឡើយ ដោយសារតែ លោកជំទាវ បានធ្វើការសម្រេចចិត្ត និង មានហេតុផលច្បាស់លាស់របស់លោកជំទាវផ្ទាល់ ហើយក៏សុំឱ្យបងប្អូនឈប់បន្តរំលឹកពីបញ្ហានេះបន្តទៀត ដោយបន្ថែមទៀតថា អស់ចិត្តស្រលាញ់គឺវាចប់។

គួរបញ្ជាក់ផងដែរ លោកជំទាវ ដេត ម៉ាលីណា​ បានព្រមព្រៀងលែងលះជាមួយឧកញ៉ា ឌួង ឆាយ កាលថ្ងៃទី ១៣ ខែធ្នូ ឆ្នាំ២០២០។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ការលែងលះ និង ការបែកបាក់គ្នារវាង លោកជំទាវ និង ឧកញ៉ា ឌួង ឆាយ បានធ្វើឱ្យមហាជនសឹងតែមិនជឿ និង មានការងឿងឆ្ងល់ជាខ្លាំង ដោយសារតែ ឃើញថា អតីតគូរស្វាមីភរិយាទាំងពីរមានភាពល្អូកល្អើនផ្អែមល្ហែមនឹងគ្នាខ្លាំងមែនទែន ទាំងពីរការបង្ហាញនៅលើបណ្តាញសង្គមជាដើម។

ប៉ុន្តែយ៉ាងណា ក៏យើងមិនអាចដឹងគ្រប់ជ្រុងគ្រប់ជ្រោយឡើយ ដូចពាក្យចាស់មួយពោលថា ចង្កៀងផ្ទះអ្នកណា ភ្លឺផ្ទះអ្នកហ្នឹង៕

តែយ៉ាងណា យើងនឹងរង់ចាំមើលបន្តទៀត តើនឹងមានការវិវត្តន៍បែបណាបន្តទៀត?

សូមទស្សនារូបភាពខាងក្រោម៖