ហ្វេសប៊ុកត្រូវបានគេរាយការណ៍ថា កំពុងរៀបចំបណ្តឹងប្តឹង Apple

បរទេស៖ ក្រុមហ៊ុន Facebook ត្រូវបានគេរាយការណ៍ថាកំពុងរៀបចំបណ្តឹងប្រឆាំងនឹង Apple អស់រយៈពេលជាច្រើនខែមកហើយ ដោយផ្តោតលើការចោទប្រកាន់ថាក្រុមហ៊ុន Apple កំពុងបង្ខំឱ្យ developers អនុវត្តតាមច្បាប់នៃ App Store ដែលកម្មវិធីរបស់ Apple ផ្ទាល់មិនចាំបាច់គោរពតាម។ បើយោងទៅតាម The Information ប្រសិនបើ Facebook សម្រេចចិត្តដាក់ពាក្យបណ្តឹងរបស់ខ្លួន ពាក្យបណ្តឹងនោះក៏អាចប្តឹងលើការបដិសេធរបស់ក្រុមហ៊ុន Apple មិនឱ្យកម្មវិធីភាគីទីបីណាមួយក្លាយជាសេវាកម្មផ្ញើសារ default នៅលើឧបករណ៍របស់ខ្លួនក្រៅពី iMessage។

Facebook បានអះអាងថាការផ្លាស់ប្តូរការតាមដានផ្សាយពាណិជ្ជកម្ម (ad-tracking) របស់ Apple គឺអយុត្តិធម៌សម្រាប់ Facebook ក្នុងការបង្ហាញការផ្សាយពាណិជ្ជកម្មរបស់ខ្លួននៅលើ App Store និងកន្លែងផ្សេងទៀត។ ទោះបីជាគោលការណ៍នេះមិនអនុវត្តចំពោះកម្មវិធីរបស់ក្រុមហ៊ុន Apple ក៏ដោយ ក៏ក្រុមហ៊ុនបាននិយាយថាខ្លួននឹងមិនចែករំលែកទិន្នន័យអ្នកប្រើប្រាស់ជាមួយភាគីទីបីឡើយ។ Apple បាននិយាយថាការដាក់ចេញនូវគោលការណ៍ថ្មីគឺដើម្បីការពារ privacy របស់អ្នកប្រើប្រាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Facebook ត្រូវបានគេរាយការណ៍ថាបានប្រកូកប្រកាសឱ្យក្រុមហ៊ុនផ្សេងទៀតចូលរួមក្នុងបណ្តឹងនេះដែរ។  ក្នុងការឆ្លើយតប Apple បានអះអាងថា ខ្លួនមិនមានចំណែកទីផ្សារស្មាតហ្វូនធំជាងគេនោះទេ ហើយថាច្បាប់ App Store របស់ខ្លួនជួយកាត់បន្ថយហានិភ័យនៃមេរោគ និងការបោកប្រាស់។

នាយកប្រតិបត្តិក្រុមហ៊ុន Facebook គឺលោក Mark Zuckerberg បានប្រឆាំងនឹងក្រុមហ៊ុន Apple ជាថ្មីម្តងទៀតពេលដែល Apple ប្រកាសប្រាក់ចំណូលកាលពីម្សិលមិញ។ គាត់បាននិយាយថាកម្មវិធី WhatsApp គឺល្អជាង iMessage ដាច់ក្នុងការពារសារអ្នកប្រើប្រាស់។

យ៉ាងណាមិញ ក្រុមហ៊ុនទាំងពីរនេះ បានពាក់មុខយក្សដាក់គ្នាទៅវិញទៅមក អស់រយៈពេលជាច្រើនឆ្នាំមកហើយ៕

• ជំនួញ