Elon Musk និយាយថា បានដាក់ឈីបក្នុងខួរក្បាលសត្វស្វា ដើម្បីឱ្យវាបញ្ជាវីដេអូហ្គេមបានដោយជោគជ័យ

បរទេស៖ Elon Musk បានអះអាងថាក្រុមហ៊ុនមួយទៀតរបស់គាត់គឺ Neuralink មានកន្លែងពិសោធន៍មួយដែលមានស្វាបញ្ហាវីដេអូហ្គេមបានដោយប្រើបន្ទះឈីបនៅក្នុងខួរក្បាលរបស់វា។

នាយកប្រតិបត្តិក្រុមហ៊ុន Tesla និងក្រុមហ៊ុន SpaceX លោក Elon Musk បានធ្វើការអះអាងនៅក្នុងកម្មវិធីផ្សាយផ្ទាល់សម្រាប់អ្នកគាំទ្រតាមរយៈកម្មវិធី Clubhouse ដែលលោកត្រូវបានគេអញ្ជើញឱ្យចូលរួមនៅល្ងាចថ្ងៃអាទិត្យដែលលោកបាននិយាយអំពីក្រុមហ៊ុនបច្ចេកវិទ្យា neurotechnology ឈ្មោះ Neuralink របស់គាត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Musk បានអះអាងថា៖ «យើងមានសត្វស្វាមួយដែលមានដាក់ឈីបបញ្ជាឥតខ្សែនៅក្នុងក្បាលរបស់វាដែលអាចឱ្យវាបញ្ជាលេងហ្គេមវីដេអូពីខួរក្បាលមក។»

វីដេអូរបស់សត្វស្វាដែលដាក់ឈីប នឹងត្រូវចេញក្នុងរយៈពេលប្រហែលមួយខែទៀត។ គោលដៅរបស់មហាសេដ្ឋីនេះគឺមានគោលដៅចាប់យកបច្ចេកវិទ្យាចុងក្រោយដែលអាចប្រើដោយមនុស្ស ដើម្បីគ្រប់គ្រងឧបករណ៍ដូចជាស្មាតហ្វូនជាមួយខួរក្បាលរបស់ពួកគេ។ នៅលើបណ្តាញសង្គម Twitter លោក Musk បាននិយាយថា អត្ថប្រយោជន៍រយៈពេលខ្លី វានឹងជួយដោះស្រាយការរងរបួសខួរក្បាល/ឆ្អឹងខ្នង ហើយអត្ថប្រយោជន៍រយៈពេលវែងគឺក្លាយជា “human/AI symbiosis"៕

• វិទ្យាសាស្រ្ត