ក្រុមហ៊ុន Tesla ប្រមូលរថយន្តជិត ១៣៥,០០០ គ្រឿងដោយសារមានបញ្ហាអេក្រង់ touchscreen

អាមេរិក៖ ក្រុមហ៊ុន Tesla Inc បានយល់ព្រមប្រមូលរថយន្តម៉ូដែល S និង ម៉ូដែល X ចំនួន១៣៤,៩៥១គ្រឿងដែលអេក្រង់ touchscreen អាចជ្រុះដែលនឹងបង្កហានិភ័យនៅពេលបើកបរ បន្ទាប់ពីនិយ័តករសុវត្ថិភាពរថយន្តអាមេរិកបានប្រកាសឱ្យប្រមូលមកវិញកាលពីខែមុន។  

រដ្ឋបាលសុវត្ថិភាពចរាចរណ៍ផ្លូវគោកជាតិ (NHTSA) បានធ្វើស្នើឱ្យប្រមូលរថយន្តមកវិញនៅក្នុងលិខិតផ្លូវការកាលពីថ្ងៃទី១៣ ខែមករា ដែលផ្ញើទៅក្រុមហ៊ុន Tesla ដោយនិយាយថា រថយន្តម៉ូដែល S ស៊េរីឆ្នាំ ២០១២-២០១៨ និងរថយន្តម៉ូឌែល X -២០១៨ មានបញ្ហាសុវត្ថិភាព។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទីភ្នាក់ងារនេះបាននិយាយថា បញ្ហាអេក្រង់បានបង្កបញ្ហាសុវត្ថិភាពសំខាន់ៗដូចជាការមើលមិន​ឃើញផ្នែកខាងក្រោយ ឬរូបភាពដែលកាមេរ៉ាចាប់ពីផ្នែកខាងក្រោយ ភ្លើងសញ្ញាខាងក្រៅ ប្រព័ន្ធការពារអ័ព្ទនិងប្រព័ន្ធរំលាយព្រិល ដែលអាចកាត់បន្ថយការមើលឃើញរបស់អ្នកបើកបរក្នុងអាកាសធាតុលំបាក។ ក្រុមហ៊ុនបាននិយាយថា NHTSA បានតម្រូវឱ្យក្រុមហ៊ុន Tesla ឆ្លើយតបទៅវិញនៅត្រឹមថ្ងៃទី២៧ ខែមករា។ ក្រុមហ៊ុន Tesla បានឆ្លើយតបនៅក្នុងថ្ងៃដដែលនោះថា យល់ព្រមក្នុងការប្រមូលមកវិញ។

ការប្រមូលមកវិញនឹងចាប់ផ្តើមជាផ្លូវការនៅថ្ងៃទី៣០ ខែមីនា។ NHTSA បានប្រកាសប្រមូលមកវិញនូវយានយន្តចំនួន១៥៨,០០០គ្រឿង ប៉ុន្តែក្រុមហ៊ុន Tesla បាននិយាយថាការប្រមូលមកវិញនេះមិនរាប់បញ្ចូលយានយន្តមួយចំនួនដែលបានកែលម្អ processors ចាប់ពីខែមីនាឆ្នាំ២០១៨ នោះទេ។

ដូចដែលក្រុមហ៊ុន Tesla ធ្លាប់បានផ្តល់ជូននៅក្នុងខែវិច្ឆិកាដែរ អ្នកបច្ចេកទេសនឹងប្តូរគ្រឿងដែលខូចដោយឥតគិតថ្លៃ៕

• ជំនួញ
• ឡាន