ឆ្នាំងចាស់មិនល្អ ខ្លាចអីនឹងចោល! ក្រោយត្រូវដកដំណែង សេង រដ្ឋា មានឱកាសការងារ ហូរចូលដូចទឹក

ភ្នំពេញ៖ កញ្ញា សេង រដ្ឋា  ដែល ពុកម៉ែ បងប្អូន និងប្រិយមិត្តទាំងអស់គ្នា បានស្គាល់ និងដឹងថា កញ្ញាធ្លាប់ជាអតីតបេក្ខភាពចូលរួមប្រកួតនៅក្នុងកម្មវីធី Miss Grand Cambodia ដែលកញ្ញាបានជាប់ជាម្ចាស់មកុដបវរកញ្ញាប្រចាំប្រទេសកម្ពុជា តែជាអកុសលកញ្ញា ត្រូវបានក្រុមហ៊ុន និងគណកម្មការ សម្រេចដកដំណែងបវរកញ្ញា ដែលត្រូវដំណាងជាតិកម្ពុជាពីកញ្ញា ហើយជុំវិញបញ្ហា និងរឿងរ៉ាវនេះ ក៏ត្រូវបានមតិសាធារណជន និងហ្វេនៗដែលជាអ្នកគាំទ្រវិស័យបវរកញ្ញា ផ្ទុះការរិះគន់យ៉ាងកក្រើកបណ្តាញសង្គម ផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីពេលថ្មីៗនេះ ក្រោយពីត្រូវបានដកដំណែង កញ្ញា សេង រដ្ឋា​ ហាក់មានសំណាងខ្ពស់ ដោយកញ្ញាទទួលបានឱកាសសម្តែងជាតួឯកស្រី នៅក្នុងរឿងភាគ​ រឿង “ បាបស្នេហ៍អតីត” របស់ស្ថានីយទូរទស្សន៍ដ៏ល្បីមួយ ប្រចាំប្រទេសកម្ពុជា ដែលនេះអាចថា ជាសំណាងរបស់កញ្ញាក្រោយពីបានលាចាកទ្រនំ​ និងត្រូវបានដកដំណែងជាបវរកញ្ញាហ្រ្គេន កម្ពុជា។

គួររំលឹកផងដែរថា កញ្ញា សេង រដ្ឋា ជាបេក្ខភាពដែលជាអ្នកខេត្តកំពង់ធំ កញ្ញា មានទាំងសមត្ថភាព និងចំណេះដឹង ព្រមទាំងរូបសម្រស់ដ៏ស្រស់សោភា តែអ្វីដែលគួរឲ្យសោកស្តាយនោះ គឺកញ្ញា ត្រូវបានគណកម្មការ និងក្រុមហ៊ុន ដកដំណែង និងមកុដ ព្រមទាំងឋាន:ជាអ្នកតំណាងឲ្យជាតិកម្ពុជា ចូលរួមប្រកួត Miss Grand International 2021 ដែលនឹងត្រូវប្រព្រឹត្តទៅនៅទីក្រុង ភូកេត ប្រទេសថៃ៕

ខាងក្រោមនេះ គឺជារូបភាពនៃថ្ងៃក្រុងពលី របស់កញ្ញា សេងរដ្ឋា ដែលនិងក្លាយជាតួឯកនៅក្នុងរឿងថ្មី៖

• ម៉ូត
• ភាពយន្ត
• តារាខ្មែរ