ហ្វេនភ្ញាក់ផ្អើល Sehun ឡើងទម្ងន់មុខមូលឡើងដូចព្រះច័ន្ទ

កូរ៉េខាងត្បូង៖ ទោះបីសមាជិកនីមួយៗ មានការងារជាប់រវល់រៀងៗខ្លួន និងអ្នកខ្លះទៀត ជាប់បំពេញភារកិច្ចបំរើយោធាក៏ដោយ ក៏សមាជិក EXO មួយចំនួន នៅតែប្រាស្រ័យទាក់ទងទៅកាន់អ្នកគាំទ្រ នៅលើបណ្តាញសង្គម និងមានអ្នកខ្លះទៀត បានចេញអាល់ប៊ុមផ្ទាល់ខ្លួនជាដើម។

ជាក់ស្តែងកាលពីថ្មីៗនេះ បានបណ្តាលឱ្យអ្នកគាំទ្ររំជើបរំជួល និងភ្ញាក់ផ្អើល នៃរូបភាពរបស់សមាជិក Sehun ជាមួយសមាជិក EXO ៣ នាក់ផ្សេងទៀត នៅវីដេអូថ្មី ដែលបាន ឡាយផ្ទាល់ទៅកាន់អ្នកគាំទ្រ បន្ទាប់ពីបាត់មុខរយៈ បានបង្ហាញរូបរាងថ្មី នៃសមាជិកក្មេងជាងគេប្រចាំក្រុមនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ក្នុងវីដេអូនោះ រូបភាពបង្ហាញនឹងការឡើងទម្ងន់ របស់ Sehun បានធ្វើឱ្យហ្វេនៗ មានភាពស្រឡាំងកាំងជាខ្លាំង ព្រោះតារាប្រុសរូបនេះ បានប្រែពីមុខតូច ទម្រង់អក្សរ V ទៅជា មុខមូលពេញ ធំតែម្តង ដែលមហាជនគិតថា រូបលោក បានឡើងគីឡូមិនស្ទើរនោះទេ។

យ៉ាងណាមិញ រូបលោកនៅតែ មានភាពទាក់ទាញខ្លាំងគួរសមផងដែរ គ្រាន់តែរូបរាងកាលពីមុនមានភាពសង្ហាជាង មិនត្រឹមតែប៉ុណ្ណោះ មានមតិមួយចំនួនទៀត បានលើកឡើងថា ដោយសារតែរូបលោកត្រូវសម្តែងរឿង ហេតុដូច្នេះ រូបលោកត្រូវការឡើងទម្ងន់ឲ្យមានសាច់ជាងនេះបន្តិច ឲ្យសាកសមនឹងតួ ដែលតារាប្រុសកើតឆ្នាំ ១៩៩៤ នេះសម្តែងដូច្នេះដែរ៕

សូមទស្សនារូបភាពខាងក្រោម៖ 

• តារាកូរ៉េ