លោក Elon Musk និយាយថា នឹងអាចចាប់ផ្តើមដាក់បន្ទះឈីបក្នុងខួរក្បាលមនុស្សនៅចុងឆ្នាំនេះហើយ

បរទេស៖ លោក Elon Musk មានប្រសាសន៍ថាក្រុមហ៊ុនបច្ចេកវិទ្យា neurotechnology របស់លោកគឺ Neuralink អាចនឹងចាប់ផ្តើមដំណើរការសាកល្បងលើមនុស្សនៅចុងឆ្នាំនេះ។ 

Musk បានចែករំលែកព័ត៌មាននេះដោយបានឆ្លើយតបទៅនឹងអ្នកប្រើប្រាស់បណ្តាញសង្គម Twitter ម្នាក់ដែលបាននិយាយថាគាត់ព្រមចូលរួមក្នុងការសាកល្បងដាក់ឈីបក្នុងខួរក្បាលមនុស្ស ដោយអាចឱ្យមនុស្សគ្រប់គ្រងបច្ចេកវិទ្យាបានដោយគ្រាន់តែគិត។ បុរសម្នាក់នេះថាគាត់បានជួបគ្រោះថ្នាក់ចរាចរណ៍កាលពី២០ឆ្នាំមុន ហើយមិនអាចដើរបានរហូតមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាយកប្រតិបត្តិក្រុមហ៊ុន Tesla បានឆ្លើយតបកាលពីថ្ងៃច័ន្ទថា៖ «Neuralink កំពុងធ្វើការយ៉ាងខ្លាំងដើម្បីធានាសុវត្ថិភាពនៃការដាក់ឈីប និងកំពុងធ្វើការយ៉ាងជិតស្និទ្ធជាមួយ FDA។ ប្រសិនបើអ្វីៗដំណើរការបានល្អ យើងអាចនឹងធ្វើការសាកល្បងលើមនុស្សដំបូងនៅចុងឆ្នាំនេះ។»

Musk បាននិយាយថាគោលដៅរបស់ Neuralink គឺដើម្បីជួយអ្នកជំងឺពិការឱ្យធ្វើអន្តរកម្មជាមួយទូរស័ព្ទដៃ ឬកុំព្យូទ័ររបស់ពួកគេដោយការបញ្ចូលបន្ទះឈីបក្នុងខួរក្បាល។

ក្រុមហ៊ុននេះបានចាប់ផ្តើមសាកល្បងដាក់បន្ទះឈីបលើសត្វជ្រូកម្តងរួចមកហើយ។ ហើយថ្មីៗនេះពេលលោក Musk បានឡើងកម្មវិធី Clubhouse គាត់បាននិយាយថា Neuralink បានបញ្ចូលបន្ទះឈីបខួរក្បាលនៅក្នុងស្វា ហើយវាអាចលេងហ្គេមវីដេអូដោយប្រើការគិតរបស់វា៕

• វិទ្យាសាស្រ្ត