ស្រីៗមានផ្ទៃពោះ ទំហំក្បាលពោះអាចខុសគ្នាដោយកត្តាទាំងនេះ!

ជាក់ស្ដែងទំហំពោះរបស់ម៉ាក់ៗមិនអាចកំណត់អំពីទំហំនៃទារកទាំងស្រុងនោះទេ។ ជាធម្មតា នៅពេលដែលម៉ាក់ៗមានទម្ងន់ជាលើកទី២ ស្បែកពោះនឹងមានការលូតលាស់យ៉ាងឆាប់រហ័ស ដោយសារតែស្បែក និងសាច់ដុំមានសភាពយឺតរួចហើយ ដែលនេះបណ្ដាលមកពីការមានផ្ទៃពោះលើកដំបូង។ ពិតណាស់ មានហេតុផលជាច្រើន ដែលជះឥទ្ធិពលដល់ទំហំពោះម៉ាក់ៗនៅពេលមានកូនលើកដំបូង ក៏ដូចជាធ្វើឲ្យទំហំពោះម៉ាក់ៗរីកធំផងដែរ។

១. កម្ពស់របស់ម្ដាយ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កត្តានេះ ដើរតួនាទីយ៉ាងសំខាន់ពាក់ព័ន្ធទៅនឹងទំហំពោះរបស់ម៉ាក់ៗ។ ឧទាហរណ៍ ប្រសិនបើយើងខ្ពស់ ស្បែកពោះរបស់យើងនឹងមានរាងវែង ដែលអាចមានកន្លែងច្រើនសម្រាប់ទារកលូតលាស់។ ចំណុចនេះ នឹងអនុញ្ញាតឲ្យស្បូនរុញឡើងលើ ជាជាងការរុញទៅខាងមុខ។ យ៉ាងណាមិញ ប្រសិនបើម៉ាក់ៗទាប នោះស្បែកពោះនឹងរុញទៅខាងមុខ ពីព្រោះវាមានចន្លោះតិចតួចរវាងឆ្អឹងត្រគាក និងឆ្អឹងជំនីផ្នែកខាងក្រោមបង្អស់។

២. ទីតាំងរបស់ទារក

មូលហេតុមួយទៀត ដែលធ្វើឲ្យទំហំពោះរបស់ម៉ាក់ៗរីកធំ គឺដោយសារតែទីតាំងនៃទារកដែលនៅក្នុងផ្ទៃ។ ខណៈពេលដែលទារកផ្លាស់ប្ដូរទីតាំងរបស់ពួកគេញឹកញាប់ ជាពិសេស នៅអំឡុងត្រីមាសចុងក្រោយ ពួកគេចូលចិត្តបែរក្បាលចុះក្រោម ហើយក៏អាចផ្លាស់ទីខ្នងរបស់ពួកគេពីផ្នែកម្ខាងទៅម្ខាងទៀតផងដែរ។ កត្តានេះហើយ ដែលធ្វើឲ្យស្បែកពោះរបស់ម៉ាក់ៗលយចេញទៅខាងមុខ។

៣. ទឹកភ្លោះ

នៅក្នុងករណីដែលទឹកភ្លោះមានបរិមាណច្រើន វាអាចប៉ះពាល់ដល់ទំហំរបស់ទារកក្នុងផ្ទៃ។ យោងតាមអ្នកជំនាញ កម្រិតមធ្យមនៃទឹកភ្លោះ គឺមានចំនួន១លីត្រ ហើយប្រសិនបើទឹកភ្លោះលើសពីនេះ វាអាចនឹងធ្វើឲ្យផ្ទៃពោះរីកធំ។ នៅក្នុងករណីខ្លះ ស្ថានភាពនេះក៏អាចត្រូវការការយកចិត្តទុកដាក់ផ្នែកវេជ្ជសាស្ត្រថែមទៀតផង។

៤. ទំហំទារក

ទំហំរបស់ទារកក៏អាចធ្វើឲ្យស្បែកពោះរបស់ម៉ាក់ៗរីកធំផងដែរ។ លើសពីនេះ ប្រសិនបើម៉ាក់ៗកើតជំងឺទឹកនោមផ្អែមពេលមានគភ៌ វាក៏អាចជាហេតុធ្វើឲ្យទំហំពោះរបស់យើងរីកធំមួយកម្រិតទៀត។ ដូចនេះ ម៉ាក់ៗគួរពិនិត្យមើលផ្ទៃពោះដោយការស្កេន ដើម្បីធានាថាទារកមានការលូតលាស់បានល្អ។

៥. មានកូនភ្លោះ

ជាទូទៅ ការមានកូនច្រើនជាងមួយនៅក្នុងស្បូន អាចធ្វើឲ្យក្បាលពោះរបស់ម៉ាក់ៗរីកធំ ដោយសារតែសាច់ដុំដែលនៅក្នុងពោះមានភាពយឺត ហេតុដូច្នេះហើយ ទំហំធំក៏រីកមាឌទៅតាមនោះដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

ផ្ទៃពោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស្រីៗមានផ្ទៃពោះ ទំហំក្បាលពោះអាចខុសគ្នាដោយ​កត្តាទាំងនេះ!

១. កម្ពស់​របស់​ម្ដាយ​

២. ទីតាំង​របស់​ទារក​

៣. ទឹក​ភ្លោះ​

៤. ទំហំ​​ទារក​​

៥. មាន​កូនភ្លោះ​​

In Case You Missed It