ក្រុមហ៊ុន Xiaomi បង្អួតការរចនាស្មាតហ្វូនថ្មីគ្មានរន្ធដោត អេក្រង់កោង Waterfall Display ឡូយប្លែកភ្នែក (មានវីដេអូ)

បរទេស៖ ថ្ងៃនេះក្រុមហ៊ុន Xiaomi បានបង្ហាញនូវគំនិតរចនាស្មាតហ្វូនថ្មីមួយដែលមានអេក្រង់កោងស្អាតអស្ចារ្យ។ ឧបករណ៍នេះរចនាឡើងពីជំនាញដែល Xiaomi ទទួលបានពីគំនិតរចនារបស់ Mi Mix Alpha ហើយវាមានលក្ខណៈពិសេសគឺអេក្រង់បង្ហាញទឹកជ្រោះរាងបួនជ្រុង (quad-curved Waterfall Display) ដែលព័ទ្ធជុំវិញគែមស្មាតហ្វូនទាំងមូល មើលទៅឡួយណាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះផងដែរក្រុមហ៊ុន Xiaomi ក៏បានចែករំលែករូបភាព teaser សម្រាប់គំនិតរចនាអេក្រង់ Waterfall Display ។ នេះបើយោងតាមរូបភាព ឧបករណ៍នេះមានការរចនាពិសេសបែប unibody ទាំងស្រុង ដែលមិនមានរន្ធដោតអ្វីទាំងអស់។ អេក្រង់ច្នៃប្រឌិតថ្មីកោងនៅកម្រិតមុំ៨៨ដីក្រលើគែម ហើយក្រុមហ៊ុន Xiaomi អះអាងថាខ្លួនប្រើបច្ចេកវិទ្យាជឿនលឿនឈានមុខគេសម្រាប់កញ្ចក់កោង និងបច្ចេកវិទ្យា laminating។

Meet our first #QuadCurvedWaterfallDisplay concept smartphone. Everything you see on the display flows over the edges smoothly and seamlessly, just like water. ? #InnovationForEveryone pic.twitter.com/8pwo80qKhl

— Xiaomi (@Xiaomi) February 5, 2021

ក្រុមហ៊ុនបានបង្ហាញឧបករណ៍ចុងក្រោយនេះនៅក្នុងវីដេអូមួយ ដែលបានបង្ហោះនៅលើបណ្តាញសង្គមចិន Weibo។ ដូចដែលអ្នកអាចឃើញនៅក្នុងវីដេអូខាងក្រោម ឧបករណ៍គំនិតថ្មីមិនមានរន្ធដោត មិនមានប៊ូតុងអ្វីទាំងអស់។ ផ្ទុយទៅវិញ អេក្រង់បង្ហាញរបស់ឧបករណ៍នេះដែលមានរាងកោងបានស្រោបជុំវិញគែមទាំងបួនតែម្តង ដែលផ្តល់ឱ្យស្មាតហ្វូននេះនូវរូបរាងបែបអនាគត៕

• វិទ្យាសាស្រ្ត
• ជំនួញ
• វីដេអូ
• ទូរសព្ទ