ក្រុមអវកាសយានិកយាន SpaceX Dragon បំបែកកំណត់ត្រានៅលើលំហអវកាសយូរជាងគេបំផុត

បរទេស៖ ក្រុមអវកាសយានិក4នាក់ដែលបានចុះចតនៅស្ថានីយអវកាសអន្តរជាតិ (ISS) តាមរ៉ុក្កែត SpaceX បានបំបែកឯតទគ្គកម្មអវកាសយានិកដែលបានចំណាយពេលនៅលើលំហអវកាសអស់រយៈពេលយូរជាងគេ នៅក្នុងយានអវកាសដែលបង្ហោះចេញពីទឹកដីសហរដ្ឋអាមេរិក។

កាសែតវ៉ាស៊ីនតោនប៉ុស្តិ៍បានរាយការណ៍ថា ក្រុមអវកាសយានិក Crew-1 ដែលបានមកអវកាសកាលពីថ្ងៃទី15 ខែវិច្ឆិកា បានបំបែកកំណត់ត្រាថ្មីនៅថ្ងៃអាទិត្យនេះ។ កំណត់ត្រាលើកមុនគឺ84ថ្ងៃ ហើយត្រូវបានបំបែកនៅឆ្នាំ1974។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យានអវកាស SpaceX Crew Dragon ដែលមានឈ្មោះហៅក្រៅថា “Resilience” បានចូលចតនៅស្ថានីយអវកាស 27ម៉ោងបន្ទាប់ពីហោះចេញពី Cape Canaveral, Fla។  

Today #Crew1 sets the record for longest US space capsule mission ever, beating Skylab 4's 84-day record.

And we're only halfway through our mission to @Space_Station. We've got more @ISS_Research to do! And more spacewalks too.

Today we celebrate...Resilience! pic.twitter.com/ixn6OWZM68

— Anthony Vareha (@Enterprise_Flt) February 7, 2021

បេសកកម្មរបស់ SpaceX គឺជាលើកទីមួយហើយដែលយានអវកាសឯកជនបានហោះហើរទៅកាន់ ISS។ ដូចដែលកាសែតវ៉ាស៊ីនតោនប៉ុស្តិ៍បានបញ្ជាក់ថា បេសកកម្ម Crew-1 គឺជាបេសកកម្មប្រតិបត្តិការដំបូងបង្អស់ដែលហោះចេញពីទឹកដីសហរដ្ឋអាមេរិក ចាប់តាំងពីយានអវកាស Space Shuttle ចូលនិវត្តន៍កាលពីឆ្នាំ2011មក។

អវកាសយានិករបស់អង្គការណាសាបីនាក់ស្ថិតនៅក្នុងក្រុមអវកាសយានិក SpaceX នេះមានដូចជា Michael Hopkins, Shannon Walker និង Victor Glover។ អវកាសយានិកជប៉ុនលោក Soichi Noguchi ក៏ជាសមាជិកនៃក្រុមអវកាសយានិកនេះផងដែរ។ ពួកគេត្រូវបានគេរំពឹងថានឹងនៅលើ ISS ក្នុងរយៈពេលប្រហែល6ខែ។

យាន Dragon មួយផ្សេងទៀតត្រូវបានគេរំពឹងថានឹងទៅដល់ ISS នៅខែមេសាដើម្បីជាជំនួយដល់ក្រុមអវកាសយានិកដំបូង៕

• វិទ្យាសាស្រ្ត