ការបន្តការសិក្សានៅប្រទេសសិង្ហបុរី ៖ កម្មវិធីពិព័រណ៍ការសិក្សា ថ្នាក់ឧត្តមសិក្សាឆ្នាំ ២០២១

ភ្នំពេញ៖ កាលពីថ្ងៃទី៣០ ខែមករា ឆ្នាំ២០២១ ចាប់ពីម៉ោង៩ ព្រឹកដល់ ម៉ោង៣ និង ៣០នាទី រសៀល វិទ្យាស្ថានដែលមានការទទួលស្គាល់ខ្ពស់ទាំង ១០ ដែលមានដូចជា  SIM Global Education, National University of Singapore, Nanyang Technological University, Singapore University of Social Sciences, Kaplan, Management Development Institute of Singapore, PSB Academy, James Cook University, Curtin Singapore និង Raffles International College Phnom Penh បានផ្តល់ជូនការចែករំលែកចំណេះដឹង ព្រមទាំងព័ត៌មានលម្អិតអំពីកម្មវិធីកម្រិតសិក្សានីមួយៗ លក្ខខណ្ឌនៃការដាក់ពាក្យចូលរៀន និងឱកាសអាហារូបករណ៍ ទៅសិក្សានៅប្រទេសសិង្ហបុរី នៅក្នុងកម្មវិធី ការបន្តការសិក្សានៅប្រទេសសិង្ហបុរី ពិព័រណ៍ការសិក្សាថ្នាក់ឧត្តមសិក្សានៅប្រទេសសិង្ហបុរី ឆ្នាំ២០២១ ដែលមានទីតាំងស្ថិតនៅសាលា Singapore (Cambodia) International Academy (SCIA)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តំណាងអតីតនិស្សិត ដែលមានវត្តមានមកពីបណ្តាសាកលវិទ្យាល័យនានានៅប្រទេសសិង្ហបុរី ជាច្រើនដូចជា NUS, SIM និង SMU ជាដើម បានចូលរួមចែករំលែកបទពិសោធន៍របស់ពួកគេ និងបានកំណត់បង្ហាញការរំពឹងទុកដល់សិស្សានុសិស្សនីមួយៗ ពីមុខវិជ្ជាដែលត្រូវសិក្សា នាពេលខាងមុខ។

លើសពីនេះទៅទៀត ខាងផ្នែកអប់រំរបស់សាលា​ SCIA និងផ្នែកណែនាំពីអាជីពការងារ ក៏បានរៀបចំការធ្វើតេស្ត RIASEC ដើម្បីឱ្យសិស្សានុសិស្សទាំងអស់​ អាចយល់ពីខ្លួនឯងបានកាន់តែច្បាស់ និងអាចជួយពួកគេក្នុងការជ្រើសរើសមុខវិជ្ជាឲ្យបានត្រឹមត្រូវក្នុងការសិក្សា និងសម្រាប់អាជីពនាពេលអនាគតរបស់ពួកគេ។

សិស្សានុសិស្សទាំងអស់ ក៏អាចចុះឈ្មោះសម្រាប់កម្មវិធីសិក្សាក្រៅម៉ោង ដើម្បីអភិវឌ្ឍ និងពង្រឹងជំនាញ និងចំណេះដឹងរបស់ពួកគេនៅក្នុងបរិបទផ្សេងៗគ្នាបានផងដែរ។ ជំនាញនីមួយៗ គុណសម្បត្តិ និងបទពិសោធន៍ផ្ទាល់ខ្លួនទាំងនេះ នឹងពង្រឹងដល់ជំនាញភាពជានយោជិករបស់ពួកគេ ហើយនឹងបង្កើនសមត្ថភាពការងារឱ្យកាន់តែប្រសើរ នៅកន្លែងធ្វើការរបស់ពួកគេថែមទៀតផង។

លោកស្រី Ng Bee Sun នាយិការផ្នែកការពង្រឹង និងការសិក្សាវិជ្ជាជីវៈ មានប្រសាសន៍ថា៖