គ្រូសង្ហាបែបនេះ សិស្សណាមិនចង់រៀនជាមួយ? ពូរាជ្យ បង្ហាញវីដេអូជីវិតជាគ្រូបង្រៀន កំពុងទទួលការចាប់អារម្មណ៍ខ្លាំង (មានវីដេអូ)

ភ្នំពេញ៖ សព្វថ្ងៃ គេសង្កេតឃើញថា ប្រជាប្រិយភាពរបស់ ពូរាជ្យ ឬ Pireach កាន់តែមានសន្ទុះគួរឲ្យកត់សម្គាល់ ព្រោះថារាល់វីដេអូដែលរូបលោកផលិតគឺពិតជាមានភាពទាក់ទាញ ជាមួយគំនិតច្នៃប្រឌិតក្នុងការផលិតវីដេអូប្លែកៗ និងការងារសិល្បៈជាតារាចម្រៀងរបស់រូបលោក។

យ៉ាងណាមិញ ទន្ទឹមនឹងការទទួលស្គាល់ពីសំណាក់អ្នកគាំទ្រ មហាជនមួយចំនួនប្រហែលជាមិនធ្លាប់ដឹងនោះទេថា ក្រៅពីការងារសិល្បៈដែលជាសមាជិកក្នុងក្រុម Thirty-Five និងការងារផលិតវីដេអូបង្ហោះក្នុងបណ្តាញសង្គម ពូរាជ្យ ក៏មានការងារក្រៅម៉ោងជាគ្រូបង្រៀនភាសាអង់គ្លេស ដល់ក្មេងៗនៅសាលារៀនមួយកន្លែងផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ពូរាជ្យ បានធ្វើឲ្យអ្នកគាំទ្រជាច្រើនរបស់ខ្លួនភ្ញាក់ផ្អើលនៅលើបណ្តាញសង្គម ក្រោយពីរូបលោកបង្ហោះវីដេអូឃ្លីបបង្ហាញពីសកម្មភាពការងារជាគ្រូបង្រៀនភាសាអង់គ្លេសក្រៅម៉ោង ជាមួយក្មេងៗតូចៗគួរឲ្យស្រលាញ់។

ក្រោយពីបានទស្សនាវីដេអូបង្ហាញពីជីវិតជាគ្រូបង្រៀនរបស់ពូរាជ្យហើយ អ្នកគាំទ្រជាច្រើនបានបង្ហាញអារម្មណ៍ភ្ញាក់ផ្អើល និងលាន់មាត់សរសើរដល់កម្លោះសង្ហាវ័យក្មេងរូបនេះ ព្រោះថារូបលោកទើបតែអាយុ២២ឆ្នាំប៉ុណ្ណោះ ក៏ប៉ុន្តែមានប្រវត្តិធ្វើជាគ្រូបង្រៀនរហូតដល់៨ឆ្នាំ។ ឯចំណែកការបង្ហាត់បង្ហាញដល់សិស្សក្នុងវីដេអូរបស់លោក មើលទៅពិតជាមានក្តីសុខ និងពោរពេញដោយក្តីស្រលាញ់ពីកូនសិស្សគ្រប់ៗគ្នាតែម្តង។

គួររម្លឹកផងដែរថា ពូរាជ្យ ដែលមានឈ្មោះជាភាសាអង់គ្លេស Pireach គឺជាសមាជិកក្នុងក្រុម Thirty-Five ដែលធ្លាប់ជាបេក្ខភាពក្នុងកម្មវិធី X-Factor រដូវកាលទី១ ជាមួយនឹងការទទួលបាន Yes ដល់ទៅ ៤ ពីគណកម្មការ។ មិនត្រឹមតែប៉ុណ្ណោះ មកទល់ពេលនេះ ពូរាជ្យ គឺជាអ្នកផលិតវីដេអូនៅក្នុងបណ្តាញសង្គម ហើយរូបលោកក៏ជាគ្រូបង្រៀនដ៏សកម្មមួយរូប នៅសាលាមួយកន្លែង ដែលទាំងនេះពិតជាធ្វើឲ្យមហាជន មិនសរសើរមិនបាននោះទេអំពីសមត្ថភាព និងទេពកោសល្យរបស់លោក៕

កុំឲ្យខាតពេលយូរ ចង់ដឹងថាសកម្មភាពជាគ្រូបង្រៀនរបស់ ពូរាជ្យ បែបណាខ្លះ តោះទស្សនាវីដេអូខាងក្រោម៖