តួរឿង True Beauty បង្ហោះសារយ៉ាងវែង អរគុណដល់ហ្វេន

កូរ៉េខាងត្បូង៖ តារាសម្តែងដ៏ឆ្នើមប្រចាំកូរ៉េខាងត្បូង Hwang Inyeop បានធ្វើការថ្លែងអំណរគុណហ្វេនៗអ្នកគាំទ្រ និង សន្យាថាប្រឹងប្រែងព្យាយាមពង្រឹងខ្លួនឯងឱ្យកាន់តែខ្លាំង។

នៅថ្ងៃទី០៩ ខែកុម្ភៈ ឆ្នាំ ២០២១ នេះ Hwang Inyeop បានផ្ញើរលិខិតមួយយ៉ាងវែងពោរពេញទៅដោយអត្ថន័យថ្លែងអំណរគុណចំពោះអ្នកគាំទ្រ នៅក្នុង Story នៅលើ Instagram របស់តារារូបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្តែងរូបនេះបានសរសេរអរគុណអ្នកគាំទ្រសម្រាប់ក្តីស្រលាញ់និង ការគាំទ្រដ៏លើសលប់ ចំពោះរឿង True Beauty ដែលលោកបានដើរតួជាតួអង្គ Han Seojun។

ដោយក្នុងសំបុត្រលោក បានសរសេរថា៖

សួស្តីបាទ! ខ្ញុំតារាសម្តែង Hwang Inyeop។ ខ្ញុំពិតមានអារម្មណ៍រំភើបញាប់ញ័រដែលបានសរសេរសំបុត្រនេះជូនអ្នកគាំទ្រ ព្រោះវាជាលើកទីមួយរបស់ខ្ញុំ។ ខ្ញុំគិតថា ខ្ញុំនឹងអាចចងចាំអំពី True Beauty ដែលជាខ្សែរឿងមួយដ៏មានតម្លៃសម្រាប់ខ្ញុំ។ ខ្ញុំពិតជាមានសេចក្តីដឹងគុណ និង សប្បាយរីករាយដែល ខ្ញុំបានដើរតួជា Han Seojun ដែលស្រស់សង្ហា និង ស្អាតនោះ។ សរុបសេចក្តីមក មូលហេតុដែលគម្រោងខ្សែភាពយន្តនេះ មានអត្ថន័យចំពោះខ្ញុំ ពីព្រោះដោយសារតែមានការគាំទ្រពីអ្នកគាំទ្រ។ អរគុណសម្រាប់ការផ្តល់នូវការស្រលាញ់ និងគាំទ្រចំពោះភាពយន្តសមិទ្ធផលរបស់ខ្ញុំពីដើម ដល់ឥឡូវ។ ខ្ញុំពិតជាគិតថាតើ ខ្ញុំសាកសមទទួលយកក្តីស្រលាញ់ដ៏អស្ចារ្យបែបនេះ។ អរគុណសម្រាប់ការគាំទ្រ ខ្ញុំពិតជានឿយហត់ឡើយហើយខ្ញុំអាចថតបញ្ចាប់រឿងថ្មីរបស់ឱ្យបានល្អជាទីបំផុត។ តែវាពិតជាសំណាងមិនល្អ ដែលខ្ញុំត្រូវចាកចេញពីតួអង្គ Han Seojun ឥឡូវនេះ។ តែ ពេលណាដែលអ្នករាល់គ្នានឹកតួអង្គរូបនេះ សូមកុំភ្លេចទស្សនារឿងនេះឡើងវិញផង។ នាថ្ងៃអនាគត ខ្ញុំនឹងខិតខំប្រឹងប្រែងបន្តដើម្បីបង្ហាញសមត្ថភាពឱ្យកាន់តែល្អ។ សូមទន្ទឹងរង់ចាំមើលស្នាដៃរបស់ខ្ញុំ ជាថ្មីម្តងទៀត សូមអរគុណជាខ្លាំងសម្រាប់គាំទ្រខ្ញុំ។ សូមពាក់ម៉ាស់ រហូតទាល់តែជំងឺ COVID-19 ផុតរលត់ទៅ។ អាកាសធាតុត្រជាក់ណាស់ សព្វថ្ងៃនេះ សូមមើលថែសុខភាពរបស់អ្នក ទើបមិនកើតផ្តាសាយ។ ខ្ញុំសូមជូនពរអ្នកគាំទ្រទាំងអស់ឱ្យមានសុភមង្គល មិនថាពេលណា ឬ នៅកន្លែងណាក៏ដោយ។ អរគុណជាពន់ពេកសម្រាប់ការស្រលាញ់ខ្ញុំ។ ខ្ញុំក៏ស្រលាញ់អ្នកទាំងអស់គ្នាដែរ។ ដោយក្តីស្រលាញ់ Hwang Inyeop

Hwang Inyeop

សូមទស្សនារូបភាពខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តួរឿង True Beauty បង្ហោះសារយ៉ាងវែង អរគុណដល់ហ្វេន

In Case You Missed It