ទីបំផុត! ដំណើរការនៃចាក់វ៉ាក់សាំងការពារកូវីដ១៩ បានចាប់ផ្តើមថ្ងៃនេះហើយ

រាជធានីភ្នំពេញ៖ យោងទៅតាមហ្វេសប៊ុកផ្លូវការរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃទី ១០ ខែកុម្ភៈ ឆ្នាំ ២០២១ នេះ បានបញ្ជាក់ថា ដំណើរការនៃការចាប់ផ្តើមចាក់វ៉ាក់សាំងការពារកូវីដ១៩ បានចាប់ផ្តើមហើយ។ តាមរយៈទំព័រហ្វេសប៊ុករបស់សម្តេចបានបញ្ជាក់ថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ក្នុងអត្ថន័យនោះ សម្តេចបានសង្កត់ធ្ងន់ពីការថ្លែងអំណរគុណចំពោះមិត្តចិនដែលបានជួយជាជំនួយវ៉ាក់សាំងដ៏សប្បុរសនេះមកកាន់កម្ពុជា និង សារសំខាន់នៃការទទួលវ៉ាក់សាំងនេះ ដោយបានបញ្ជាក់ថា វ៉ាក់សាំងពិបាករកណាស់ មិនមានដាក់លក់នៅតាមទីផ្សារឡើយ។

ក្នុងនោះដែរ ដើម្បីបំបាត់ចម្ងល់ និង មានការទទួលខុសត្រូវចំពោះមុខបងប្អូនជនរួមជាតិ​ គឺ ឯកឧត្តម ហ៊ុន ម៉ាណែត ដែលជាកូនប្រុសច្បងរបស់សម្តេច បានទទួលវ៉ាក់សាំងមុនគេជំនួសសម្តេច ព្រោះតែលលក្ខខណ្ឌអាយុ ដោយទីកន្លែងនៃការទទួលវ៉ាក់សាំងប្រព្រឹត្តិនៅមន្ទីរពេទ្យកាល់ម៉ែត រាជធានីភ្នំពេញ៕

សូមទស្សនារូបភាពខាងក្រោម៖