ច្បាស់ដូចថ្ងៃហើយ! ROSÉ នឹងបង្ហាញខ្លួនជាតារាចម្រៀងទោល ក្នុងខែមីនាខាងមុខនេះ

កូរ៉េខាងត្បូង៖ បន្ទាប់ពីបានទម្លាក់វីដេអូឃ្លីបខ្លី សម្រាប់បទចម្រៀងទោលដំបូង របស់សមាជិក​ ROSÉ​ ក្នុងក្រុម BLACKPINK កាលពីចុងខែមុន ពេលនេះខាងផលិតកម្ម YG Entertainment បានប្រកាសព័ត៌មានបន្ថែម ដែលតារាស្រីរូបនេះនឹងចេញចម្រៀងទោលរបស់ខ្លួន។

យោងតាមប្រព័ន្ធផ្សព្វផ្សាយក្នុងស្រុក បានចែកចាយលើកឡើងបញ្ជាក់ថា ROSÉ​ នឹងចេញអាល់ប៊ុមទោលលើកដំបូងរបស់នាងនៅនិទាឃរដូវ នាខែមីនាខាងមុខនេះ។ ក្នុងនោះ​ខាងផលិតកម្ម ក៏បានបង្ហើបឱ្យដឹងថានាងបានបញ្ចប់ការថតវីដេអូចម្រៀងរួចរាល់ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយពីបានដឹង ដំណឹងដ៏រំជើបរំជួលនេះហើយ បានធ្វើឲ្យហ្វេនៗ មានភាពអន្ទះសារជាខ្លាំង ជាពិសេសនោះ រំពឹងរង់ចាំនូវ វីដេអូចម្រៀង ក៏ព្រោះតែត្រូវបានគេឲ្យដឹងថា ខាងផលិតកម្ម បានចាយលុយជាទំហំសាច់ប្រាក់យ៉ាងធំ ក្នុងការផលិតផងដែរ៕

សូមទស្សនារូបភាពខាងក្រោម៖

• តារាកូរ៉េ