ចិន៖ អាជីពតារាសម្តែង Fan BingBing ត្រូវបានគេសង្កេតឃើញថា កេរ្តិ៍ឈ្មោះរបស់នាង កំពុងតែអណ្តែតសាជាថ្មីនៅលើទីផ្សារ ក្នុងវិស័យកម្សាន្តប្រទេសចិន មិនថាការថតផ្សាយពាណិជ្ជកម្ម ចូលរួមព្រឹត្តិការណ៍នានា ក៏ដូចជាថតទស្សនាវដ្តីជាដើម។
ជាក់ស្តែង កាលពីថ្ងៃទី ៧ ខែកុម្ភៈ តារាស្រីវ័យ ៣៩ ឆ្នាំរូបនេះ ត្រូវបានគេប្រទះឃើញ នៅស្ទូឌីយោថតខ្សែភាពយន្តមួយកន្លែងនៅទីក្រុង សៀងហៃ ដើម្បីថតផ្សាយពាណិជ្ជកម្ម ត្រូវបានទាក់ទាញភ្នែកក្រសែភ្នែកទាំងពួង ដូចសព្វរាល់ដង ទៅនឹងសម្រស់របស់នាង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងរូបភាពទាំងនោះ Fan BingBing បានបង្ហាញសក់វែងខ្មៅមើលទៅក្រាស់ រលោងគួរឲ្យទាក់ទាញ ជាមួយនឹងខោអាវឈុតដេកក្រណាត់សូត្រ បានបញ្ចេញរាងកាយរបស់នាង មើលទៅស្លីមគួរឲ្យច្រណែនតែម្តង ជាមួយរូបរាងស្តង់ដាបែបនេះ។
ទោះយ៉ាងណាក៏ដោយ រូបភាពមួយនេះត្រូវបានមហាជន ចាប់អារម្មណ៍ខ្លាំងទៅនឹងក្បាលពោះ ព្រោះឈុតដែលតារាស្រីនេះបានស្លៀកគឺស្តើងខ្លាំង ហេតុដូច្នេះ បានឲ្យឃើញថា មានរាងធំជាងមុន ហេតុដូច្នេះ ត្រូវបានគេដាក់ការសង្ស័យថា រូបនាងហាក់បីដូចជាកំពុងមានផ្ទៃពោះ។
យ៉ាងណាមិញរូបភាពទាំងនេះ ត្រូវបានក្លាយជាប្រធានបទក្តៅគគុកលើបណ្តាញសង្គម ក៏ប៉ុន្តែតារាស្រីរូបនេះ ហាក់បីដូចជាមិនខ្វាយខ្វល់នឹងពាក្យចចាមអារ៉ាមទាំងនេះទេ ព្រោះបច្ចុប្បន្ននេះ នាងកំពុងខិតខំប្រឹងប្រែង និងមមាញឹកដើម្បីស្តារកេរ្តិ៍ឈ្មោះរបស់នាងឡើងវិញ បន្ទាប់ពីខកខានការបង្ហាញខ្លួនជាសាធារណៈ ព្រោះរឿងអាស្រូវគេចពន្ធកាលពីឆ្នាំ ២០១៨ ៕
សូមទស្សនារូបភាពខាងក្រោម៖
![](https://s9.kh1.co/34/3488d79d1f61538fffb621017e9ed20d63c9c112.jpg)
![](https://s9.kh1.co/5b/5b0a112f0955a311c064e09d7956cd66ee923e36.jpg)
![](https://s9.kh1.co/de/ded76725f513837584e26ef30bb0672ca9072ece.jpg)
![](https://s9.kh1.co/49/494b61e0d7422929ba8f7a3e63a01211c4682385.jpg)
![](https://s9.kh1.co/5b/5b5a5444952342685e39db4838aba7c262fcdfc3.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]