ថ្ងៃនេះគម្រប់ខួប១ឆ្នាំ កម្ពុជាជាប់ឈ្មោះ ប្រទេសតូចតែបេះដូងមនុស្សធម៌ ឲ្យនាវាWesterdam ចូលចត

ក្រុងព្រះសីហនុ៖ លោកអ្នកបងប្អូន ក៏ដូចជាប្រិយមិត្ត និងប្រជាពលរដ្ឋខ្មែរនៅទូទាំងប្រទេសទាំងអស់ ពិតជាបានចាំនូវព្រឹត្តការណ៍ទាក់ទងទៅនឹងកប៉ាល់ Wasterdam ដែលបានចុះចតនៅក្នុងដែនទឹកនៃកំពង់ផែក្រុងព្រះសីហនុ ព្រះរាជាណាចក្រកម្ពុជា  ដែលមកទល់នឹងថ្ងៃនេះ គឺមានរយ:ពេល១ឆ្នាំគត់ រាប់ចាប់តាំងពីព្រឹត្តិការណ៍ដ៏អស្ចារ្យនេះ ត្រូវបានសាធារណ:មតិជាតិ និងអន្តរជាតិ នៅទូទាំងពិភពលោក បានសម្តែងការសាទរយ៉ាងខ្លាំងចំពោះទឹកចិត្តដ៏សប្បុរសរបស់ប្រជាជនខ្មែរ ក៏ដូចជា មេដឹកនាំខ្មែរ ដែលបានផ្តល់ឱកាសដ៏កប៉ាល់ទេសចរណ៍ដ៏ធំ ដែលមានផ្ទុកអ្នកដំណើររាប់សិបពាន់នាក់ ហើយដែលជិតអស់ស្បៀងឲ្យមកចតនៅក្នុងទឹកដីនៃព្រះរាជាណាចក្រកម្ពុជា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា ដោយសារតែការរីករាលដាលនៃជំងឺកូវីដ១៩ ដែលបានផ្ទុះចេញពីទីក្រុងវ៉ូហាន នៃប្រទេសចិន ក៏បានធ្វើឲ្យកប៉ាល់ដ៏ធំមួយនេះ មានសំណាងអាក្រក់ដោយត្រូវបានប្រទេសមួយចំនួនបដិសេធមិនព្រមឲ្យចុះចត ដោយសារមូលហេតុខ្លាងការរីករាលដាលនៃជំងឺនេះ ឆ្លងចូលដល់សហគមន៍ យ៉ាងណាក៏ដោយក៏កម្ពុជា បានទទួលយកកប៉ាល់នេះ ដោយត្រូវបានអ្នកដំណើរទាំងអស់គ្រប់ជាតិសាសន៍ នៅលើកប៉ាល់នេះ ប្រសិទ្ធិនាមឲ្យកម្ពុជា ថា​ ជាប្រទេសតូច តែបេះដូងធំ។

ខាងក្រោមនេះជារូបភាពអនុស្សាវរី៍យមួយចំនួននៃការចុះចតរបស់កប៉ាល់ westerdam៖

• មិត្ត
• ជំរុញទឹកចិត្ត
• រូបភាព