កំឡុងពេលបុណ្យចូលឆ្នាំចិននេះ អត្រាឆ្លងកូវីដ១៩ជុំវិញពិភពលោក កើនដល់លើសចំនួន...

អន្តរជាតិ៖ ជំងឺកូវីដ១៩ ឬកូរ៉ូណាវីរុស គឺជាជំងឺរាលត្បាតសកលដែលបានបង្កជាផលវិបាកចំពោះសេដ្ឋកិច្ច និងសង្គមកិច្ច ហើយអ្វីដែលគួរឲ្យកត់សម្គាលជាងនេះទៅទៀតនោះ ជំងឺដ៏សែនកាចសហាវមួយនេះ បានឆក់យកអាយុជីវិតប្រជាជនរាប់សិបមុឺននាក់នៅជុំវិញពិភពលោក ដោយបានបន្សល់ទុកនូវក្តីឈឺចាប់ និងភាពសោកសង្រេកដល់សមាជិកក្រុមគ្រួសាររបស់ជនរងគ្រោះផ្ទាល់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅក្នុងកំឡុងពេលនៃការអបអរសាទរបុណ្យចូលឆ្នាំ ប្រពៃណីចិននេះ អត្រានៃអ្នកឆ្លងជំងឺកូវីដ១៩ បានបន្តហក់ឡើងនៅក្នុងកម្រិតនៃតួលេខប្រមាណជា ១០៨,៧៦០,៣១៥នាក់ គិតត្រឹមថ្ងៃទី១៣ ខែកុម្ភ: ឆ្នាំ២០២១ ដែលប្រៀបជាមួយនិងថ្ងៃម្សិលមិញ មានការកើនឡើងរហូតដល់ជាង ៣៥មុឺនករណី។

ការកើនឡើងនៃអត្រាអ្នកឆ្លងជំងឺកូវីដ១៩ នៅក្នុងកំឡុងពេលចូលឆ្នាំនេះ អាចឲ្យយើងអាចទាញយកជាគំរូបានថា កូវីដនៅមិនឆ្ងាយពីយើងប៉ុន្មានទេ ប្រសិនបើមិនមានការការពារឲ្យបានមុតមាំទេ នោះវានិងបកមករកយើងវិញជាក់ជាមិនខាន៕

• ជីវិត
• ជំរុញទឹកចិត្ត
• រូបភាព