សំណាងម្ល៉េះ!​ ឆ្កែមួយក្បាលនៅអាមេរិកទទួលមរតក៥លានដុល្លារ ពីម្ចាស់វាដែលចែកឋានទៅ

អាមេរិក៖ ឆ្កែមួយក្បាលអាយុ៨ឆ្នាំដែលមានឈ្មោះថា Lulu បានល្បីយ៉ាងខ្លាំង បន្ទាប់ពីទទួលមរតករាប់លានពីម្ចាស់ដែលចែកឋានទៅរបស់វា។ 

យោងតាមសារព័ត៌មានប៉ុស្តិ៍ News Channel 5 បណ្តាំមរតកនោះបានសរសេរថា «ទឹកប្រាក់ចំនួន៥លានដុល្លារនឹងត្រូវផ្ទេរទៅឱ្យអ្នកដែលទុកចិត្តម្នាក់ក្រោយពីខ្ញុំស្លាប់ទៅ ដើម្បីមើលថែឆ្កែររបស់ខ្ញុំ Lulu។» មរតករាប់លានដុល្លារនេះជារបស់លោក Bill Dorris ជាអ្នកមានទ្រព្យសម្បត្តិម្នាក់រស់នៅទីក្រុង Nashville រដ្ឋ Tennessee ដែលលោកបានធ្វើការសម្រេចចិត្តដូច្នេះ មុនពេលទទួលមរណភាពកាលពីឆ្នាំមុននៅអាយុ៨៤ឆ្នាំ ដោយគាត់គ្មានប្រពន្ធទើបគ្មានអ្នកណាអាចស្នងនូវទ្រព្យសម្បត្តិដ៏ច្រើនរបស់គាត់បាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Lulu នឹងត្រូវស្ថិតក្រោមការមើលថែរបស់លោកយាយ Martha Burton អាយុ៨៨ឆ្នាំ ដែលធ្លាប់បានមើលថែឆ្កែសំណាងនេះក្នុងអំឡុងពេលលោក Dorris ចេញទៅធ្វើជំនួញម្តងៗ។

ចំណែកផ្ទះរបស់ម្ចាស់ឆ្កែនេះគឺកំពុងស្ថិតក្នុងការពិចារណាលើតម្លៃ ដូច្នេះគេមិនច្បាស់ថាវាមានតម្លៃប៉ុន្មាននោះទេ។ ទោះយ៉ាងណាមិត្តភក្តិរបស់លោក Dorris និយាយថា គាត់ជាម្ចាស់ភាគហ៊ុនអចលនទ្រព្យនិងមានការវិនិយោគជាច្រើន។

ទោះយ៉ាងណាក៏ដោយ ទ្រព្យសម្បត្តិដ៏មហាសាលរបស់ Lulu មិនមែនសម្រាប់ចំណាយពាសវាលពាសកាលនោះទេ។ បណ្តាំមរតកនេះគឺអនុញ្ញាតឱ្យលោកយាយ Burton ប្រើសម្រាប់ការចំណាយប្រចាំខែសមរម្យ។

ម្ចាស់ថ្មីរបស់លូលូបាននិយាយថា៖ «ទោះបីជាការទំលាក់លុយចំនួន៥លានដុល្លារលើសត្វឆ្កែ វាមើលទៅដូចជារឿងឆ្កួតមួយក៏ដោយ ក៏គាត់នឹងព្យាយាម។»

នេះមិនមែនជាលើកទីមួយទេដែលម្ចាស់សត្វចិញ្ចឹមបានផ្ទេរទ្រព្យសម្បត្តិទៅឱ្យឆ្កែ។ នៅឆ្នាំ២០១៥ ស្ត្រីម្នាក់នៅ Queens បានសរសេរមរតកទុកទ្រព្យសម្បត្តិរាប់លានដុល្លារ ដែលមានគ្រឿងអលង្ការ មូលនិធិទំនុកចិត្ត (trust fund) និងផ្ទះវិស្សមកាលមួយទៀតផង៕

• ជីវិត