ឡានហោះដំបូងគេលើលោក អាចហោះបាននៅរយៈកម្ពស់3គីឡូម៉ែត្រ ត្រូវបានអនុញ្ញាតឱ្យហោះហើរហើយ (មានវីដេអូ)

បរទេស៖ ក្តីសុបិនថាមានរថយន្តហោះនៅថ្ងៃណាមួយ កាន់តែជិតក្លាយមកជាការពិត បន្ទាប់ពីរដ្ឋបាលអាកាសចរណ៍សហព័ន្ធ (FAA) បានផ្តល់ការអនុញ្ញាតដល់យានកូនកាត់បើកលើដីផង ហោះលើអាកាសផង ដែលអាចហោះបានក្នុងល្បឿន100ម៉ាយល៍/ម៉ោង (161 Km/ម៉ោង)។

យាន Terrafugia Transition ទទួលបានវិញ្ញាបនបត្រ Special Light-Sport Aircraft ពីទីភ្នាក់ងារ FAA ដោយផ្តល់ឱ្យវានូវភ្លើងខៀវសម្រាប់ការហោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Terrafugia របស់ចិនមួយនេះ (Geely បានទិញយក) បានបញ្ចាក់ថា នេះគឺជាព្រឹត្តិការណ៍ដ៏សំខាន់មួយ ដោយសារតែវាបានធ្វើឱ្យពួកគេខិតជិតគោលដៅយកបានការអនុញ្ញាតទាំង FAA និងរដ្ឋបាលជាតិសុវត្ថិភាពចរាចរណ៍និងសុវត្ថិភាពចរាចរណ៍ (NHTSA)។

ក្រោយពីយាន Transition ត្រូវបានអនុញ្ញាតឱ្យហោះហើរហើយ ក្រុមហ៊ុនចង់ទាញយកអត្ថប្រយោជន៍ពីវាដោយការលក់យាននេះ។ ទោះជាយ៉ាងណាក៏ដោយ អតិថិជនប្រហែលជាមិនទាន់អាចទិញបាននៅឡើយ ដោយសារក្រុមហ៊ុន Terrafugia រំពឹងថាយាន Transition នឹងអាចដំណើរការស្របច្បាប់ទាំងបើកលើផ្លូវនិងហោះលើមេឃនៅឆ្នាំ2022ឯណោះ ហើយម្ចាស់វានឹងតម្រូវឱ្យមានទាំងប័ណ្ណបើកបរ និងវិញ្ញាបនបត្ររបស់អ្នកបើកយន្តហោះកីឡា (sport pilot's certificate) ទៀតផង។  

បើមើលទៅលើ flight-only version ដំបូងនៃយាននេះ វាមានបំពាក់ស្លាបខាងក្រោយដែលបំពាក់ដោយម៉ាស៊ីន 100កម្លាំងសេះ (75 kW / 101 PS) មាន Rotax 912iS engine ដែលអាចដំណើរការបានដោយប្រេងសាំង ឬឥន្ធនៈយន្តហោះ។ វាអាចឱ្យយន្ដហោះនេះមានល្បឿនរហូតដល់ 100 mph (161 គីឡូម៉ែត្រក្នុងមួយម៉ោង)។

ស្លាបរបស់ Transition ក៏អាចបត់បាន ធ្វើឱ្យយន្ដហោះនេះអាចចតក្នុងកន្លែងដាក់ឡានបានដោយងាយផងដែរ៕

• វិទ្យាសាស្រ្ត
• ជំនួញ
• ឡាន
• អនាគត
• វីដេអូ