បើអាអូនមានសញ្ញានេះពេលកើតអុតស្វាយ ម៉ាក់ប៉ាត្រូវប្រញាប់នាំកូនទៅពេទ្យ!

ជំងឺអុតស្វាយបង្កឡើងដោយ Varicella Zoster Virus អាចកើតឡើងគ្រប់វ័យគ្រប់អាយុ កើតតែម្ដងក្នុងមួយជីវិតយើង តែមេរោគរបស់វាក៏សំងំក្នុងខ្លួនយើងបានមួយជីវិតដូចគ្នា ។ នៅពេលដែលប្រព័ន្ធការពាររាងកាយយើងចុះខ្សោយ វានឹងចេញជាជំងឺផ្សេងទៀត តែមិនមែនជាអុតស្វាយ គឺជាជំងឺរើម។ នេះបើតាមការបកស្រាយពីលោកវេជ្ជបណ្ឌិត ហ៊ាង រតនា ជំនាញជំងឺទូទៅ និងកុមារ។

លោកបន្តថា រោគសញ្ញាជំងឺអុតស្វាយ យើងច្បាស់ជាធ្លាប់ដឹងហើយ មានដូចជា ចេញពងបែក ក្ដៅខ្លួន (៣៨-៤០អង្សារសេ) រមាស់ ពេលខ្លះអ្នកជំងឺអាចចង្អោរ ក្អួត ឈឺសាច់ដុំ ឈឺក្បាល ។ល។ យើងសង្កេតឃើញថា ជំងឺអុតស្វាយកើតឡើងទៅលើមនុស្សទូទៅ ទាំងក្មេង ទាំងចាស់ រហូតយើងស៊ាំនឹងជំងឺនេះទៅហើយ ប៉ុន្តែវាអាចបង្កជាផលប៉ះពាល់ដល់សុខភាពយើងធ្ងន់ធ្ងរបានរួមមាន រលាកខួរក្បាល ស្រោមខួរក្បារ រលាកសួត រលាកថ្លើម រលាកស្រោម បេះដូង។ល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាធម្មតា ពេលកើតអុតស្វាយក្មេងៗ មិនសូវជាវិវត្តទៅជារលាកខួរក្បាល រលាកសួត ឬផលប៉ះពាល់អាក្រក់ទៅលើសុខភាពទេ។ ប៉ុន្តែ មានក្មេងៗមួយចំនួន អាចទទួលផលប៉ះពាល់ខ្លាំងដល់សុខភាព ហើយយើងជាម៉ាក់ប៉ាគួរតែនាំកូនទៅជួបគ្រូពេទ្យ បើសង្កេតឃើញកូនកើតអុតស្វាយ រួមផ្សំជាមួយរោគសញ្ញាដូចជា៖

ពងបែកនៅលើស្បែកកូន មានឆ្លងមេរោគ
កូនរអ៊ូឈឺទ្រូង ឬពិបាកដកដង្ហើម
កូនមានសុខភាពខ្សោយ ឬអាយុក្រោម៦ខែ។ល។

បន្ថែមពីលើនេះ វេជ្ជបណ្ឌិតជំនាញជំងឺទូទៅ និងរោគកុមាររូបនេះ បានណែនាំពីវិធីការពារជំងឺអុតស្វាយបានដោយ៖

១. ធ្វើអនាម័យរាងកាយ និងនៅឲ្យឆ្ងាយពីអ្នកជំងឺ
២. ចាក់វ៉ាក់សាំង (ចាក់២ដង)

ចំពោះវ៉ាក់សាំង អាចចាក់បានទាំងក្មេង និងមនុស្សធំមិនធ្លាប់កើតអុតស្វាយ។ ការចាក់វ៉ាក់ជំងឺអុតស្វាយនេះអាចកាត់បន្ថយផលប៉ះពាល់ផ្សេងៗ និងកាត់បន្ថយការចេញរើម។ ប៉ុន្តែ មិនមែនមនុស្សទាំងអស់សុទ្ធតែអាចចាក់បានទេ មានក្រុមមនុស្សមួយចំនួនមិនគួរចាក់វ៉ាក់សាំងអុតស្វាយបានមានដូចជា ស្ត្រីពពោះ អ្នកមានសុខភាពខ្សោយ ឬអ្នកមានប្រតិកម្មជាមួយសារធាតុ gelatin ជាដើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

បើអាអូនមានសញ្ញានេះពេលកើតអុតស្វាយ ម៉ាក់ប៉ាត្រូវប្រញាប់នាំកូនទៅពេទ្យ!

In Case You Missed It