ក្រសួងពាណិជ្ជកម្មបញ្ចុះតម្លៃប្រេងសាំង ចាប់ពីថ្ងៃទី១៦-២៨ ក្នុងតម្លៃ...

រាជធានីភ្នំពេញ៖ បើយោងតាមសេចក្តីជូនដំណឹងរបស់ក្រសួងពាណិជ្ជកម្មរបស់ព្រះរាជាណាចក្រកម្ពុជា កាលពីថ្ងៃទី ១៦ ខែ កុម្ភៈ ឆ្នាំ២០២១នេះ បានបញ្ជាក់ឱ្យដឹងថា ផ្អែកទៅតាមតម្លៃមធ្យមប្រេងឥន្ធនៈនៅលើទីផ្សារអន្តរជាតិ ថ្លៃលក់រាយប្រេងឥន្ធនៈពីថ្ងៃទី ១៦ដល់២៨ ខែកុម្ភៈ ឆ្នាំ ២០២១នឹងត្រូវលក់ ៣.៦៦០ រៀល/លីត្រ សម្រាប់សាំងធម្មតា EA92 និង ៣.៣៦០ រៀល/លីត្រ សម្រាប់ប្រេងម៉ាស៊ូត។

ជាមួយគ្នានោះដែរ ដើម្បីចូលរួមជួយសម្រួលដល់ជីវភាពរបស់ប្រជាជន ដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈ ចំនួន៤សេនដុល្លារ/លីត្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហេតុដូចនេះ ថ្លៃលក់ប្រេងឥន្ធនៈសម្រាប់អនុវត្ត ចាប់ពីថ្ងៃទី១៦ ដល់២៨ ខែកុម្ភៈ ឆ្នាំ២០២១ នឹងចុះមកតម្លៃ ៣.៥០០ រៀល/លីត្រ សម្រាប់ប្រេងសាំង EA92  និង៣.២០០ រៀល/លីត្រ សម្រាប់ប្រេងម៉ាស៊ូត៕

ក្រសួងពាណិជ្ជកម្ម ក៏បានបញ្ជាក់បន្ថែមទៀតថា ក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ គឺក្រសួងគ្រាន់តែស្រង់តម្លៃឡើងចុះនៃប្រេងតាមទីផ្សារអន្តរជាតិមកគណនាតែប៉ុណ្ណោះ អាស្រ័យហេតុនេះសូមគ្រប់ស្ថានីយលក់រាយប្រេងឥន្ទនៈទាំងអស់ប្រតិបត្តិតាមការចាំបាច់៕

ដើម្បីជ្រាបកាន់តែច្បាស់ សូមទស្សនារូបភាពខាងក្រោម៖